बर्लिन प्राइडय् कारं ठक्कर नयाः छम्ह सित

जर्मनीइ वंगु शनिवाः जूगु ‘बर्लिन प्राइड’ य् छगः कारं ठक्कर नकाः छम्ह सीगु दुसा मेपिं झिंखुम्ह घाःपाः जूगु दु । राजधानी बर्लिनय् दँय्दसं जुइगु बर्लिन प्राइड ज्याझ्वःया हुलय् छगः कार ठक्कर नः वनाः उगु घटना जूगु खः ।

शनिवाः स्थानीय ईकथं बहनि १० ताः इलय् प्रतिष्ठित ब्रान्डबर्ग गेट लिक्क च्वंगु टियर गार्डेन पार्कय् उगु घटना जूगु खः । घटना लिपा ज्याझ्वः रद्द याःगु खः ।

घटनाय् दुथ्याःम्ह शंकास्पद मनूयात प्रहरी म्हसीकेधुंकूगु दुसा उम्ह मनू इस्लामिक पुचःलिसे स्वापू दुम्ह जूगु प्रहरी धाःगु दु । वयात मालेगु ज्या जुयाच्वंगु दु ।

घटना लिपा गाडी पिहां वःम्ह उम्ह मनू बिसिउँ वनेगु झ्वलय् मनूतय्त छुरां तियाः घाःपाः याना थकूगु खः ।