भारतीय कुटनीतिज्ञयात स्वदँया जेल

पाकिस्तानया निंतिं जासुसी याःगु द्वपनय् छम्ह भारतीय कुटनीतिज्ञयात जेल सजाय न्यंकूगु दु । भारतीय कुटनीतिज्ञ माधुरी गुप्तां पाकिस्तानय् च्वनाः ज्या याःगु इलय् थःगु देय् विरुद्ध पाकिस्तानयात गोप्य सुचं बिउगु द्वपं बियातःगु खः । थ्व द्वपनय् आः गुप्तायात स्वदँया जेल सजाय न्यंकूगु खः ।

पाकिस्तान स्थित भारतीय दूतावासय् च्वनाः ज्या याःगु इलय् गुप्तां पाकिस्तानी गुप्तचर संस्था आइएसआईयात भारत बारे थीथी सुचं बिउगु खः । थ्व द्वपनय् गुप्तायात सन् २०१० य् नियन्त्रणय् काःगु खःसा आइतवाः जक अन्तिम सुनवाइया इलय् दोषी प्रमाणित यासें सजाँय न्यंकूगु खः ।