कोरोना भाइरस गुब्लें तनावनी मखु : डब्लूएचओ

जेनेभा (एएफपी) – विश्व स्वास्थ्य संगठनं (डब्लूएचओ) ख्याच्व: ब्यूगु दु, कोरोना भाइरस मानव समाजपाखें सम्भवत: गुब्ले नं तनावनी मखु, बरु मनूतय्सं थ्व नापं म्वायेत अभ्यस्त जुइमा: । कोरोना भाइरस संक्रमणया कारण सिपिनि ल्या: स्वंगू लख थ्यनेवं डब्लूएचओया थ्व दाबी न्ह्यने व:गु ख: ।

बुधवा:या नियमित पत्रकार सम्मेलनया झ्वलय् संस्थाया निर्देशक डा. माइक रायनं कोराना भाइरस याकनं गुब्ले तना वनीगु सम्भावनाबारे छुं हे धायेग मफइ दाबी याना दिल । वयक:या कथं भाइरसविरुद्ध भ्याक्सिन तयार जुसां थुकिया नियन्त्रण यायेत अझं यक्व कुत:या आवश्यक जुइ ।

डा. रायनया धापू ख:, ‘कोरोना भाइरस मेगु महामारीया ल्याखं झीगु न्हयने व:गु दु । सम्भवत: थ्व गुब्ले नं तनावनी मखु ।’ वयक:या विचा: ख:, ‘एचआईभी अझं झीथाय् दनी, व तनावंगु मदु । तर मनूतय्सं व नापं म्वायेगु सयेका काल । सायद कोरोना भाइरसयात कया नं थथे हे जुइ ।’

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु