ख्वप नगरव्यापी न्ह्यसःलिसः कासा क्वचाल

ख्वप (नेपालभाषा टाइम्स) – ख्वप नगरपालिका ९ वडा व तचपाः पुचःया मंकाः ग्वसालय् ब्वनेकुथि वनेगु उमेरया ब्वँमितय् दथुइ जूगु ख्वप नगरव्यापी न्ह्यसःलिसः कासा क्वचाल ।

वंगु शनिवाः क्वचाःगु न्ह्यसःलिसः कासाय् प्रभात इंग्लिश स्कुल न्हाप, ख्वप्रिङ इंग्लिश एकेदेमि लिउ, हिमालयन ग्लोरी इंग्लिश स्कुल लियांलिउ व बागीश्वरी मा.वि. विद्यार्थी हित समिति प्यंगूगु थासय् लाःगु खः ।

कासाय् विजयी जुयादीपिंत बागमति प्रदेशसभाया सांसद सृजना जोशीं सिरपाः लःल्हानादीगु खः । ज्याझ्वलय् नवासें वय्कलं ब्वँमिपिंसं पाठ्यसफूया लिसें राष्ट्रिय अन्तर्राष्ट्रि ख्यःया समसामयिक विषयय् नं सयेके सीके यायेमाःगु खँय् बः बियादिल ।

तचपाः पुचःया नायः दीपिका लवजुया सभापतित्वय् जूगु ज्याझ्वलय् ९ वडाअध्यक्ष रवीन्द्र ज्याख्व, पुलांम्ह वडाअध्यक्ष कृष्णभक्त लवजु, ब्वँमिपिं जेनुषा कोजु, सुजी ह्यंग्वजु, सगुन धन्छां नं नुगःखँ तयादीगु खः ।