किपुली आकस्मिक हिदान

येँ- ब्लड डोनर्स एशोसिएशन नेपाल (ब्लोदान) व श्री सत्य साई सेवा संगठन नेपालया ग्वसालय् मंगलवाः किपुली आकस्मिक हिदान ज्याझ्वः जुल । किपु नगरपालिका वडा नं. १ या ज्याकूथी जूगु हिदान ज्याझ्वः ख्वप रक्तसञ्चार सेवाया प्राविधिक ग्वाहाली जूगु खः। ज्याझ्वलय् ५२ म्ह स्वयंसेवीतय्सं हिदान यानादीगु खः ।

आःया अवस्थाय् सतक दुर्घटना व तःधंगु शल्यकृया मजूसां नियमित वासः यायेगु निंतिं विरामितय्त सहजरुपं हि उपलब्ध यायेत ब्लोदानं थीथी संघसंस्थानापया सहकार्यय् थज्याःगु आकस्मिक हिदानया ज्याझ्वः यानावयाच्वंगु खः । उगु ज्याझ्वलय् हिदान यानादीपिं व ग्वाहालि याःगु संस्थायात श्री सत्य साई सेवा संगठन नेपाल व ब्लोदानं सुभाय् देछाःगु खः ।