गुगल नेपालभाषा ट्रान्सलेसनया सछिन्हु

येँ- वल्र्ड नेवाः अर्गनाइजेसनय् न्ह्यानाच्वंगु गुगल नेपालभाषा ट्रान्सलेन प्रोजेक्ट सछिन्हु थ्यंगु दु । थ्व लसताय् प्रोजेक्टपाखें विशेष ज्याझ्वः समेत याःगु दु । वंगु स्वला न्ह्यवंनिसें गुगलय् नेपालभाषा दुथ्याकेगु ल्याखं न्हिं निघौत्या निसें स्वघौत्या तक ट्रान्सलेसन यायेगु ज्या न्ह्यानाच्वंगु दु । गुगलय् अंग्रेजी भासं बीगु खँपुयात नेवाः भासं भाय् हिलाः तयेगु ज्या जुया वयाच्वंगु खः ।

न्हिथं झिम्हनिसें झिंन्याम्हेसिनं छगू हे पुचलय् वा स्वंगू पुचलय् तक च्वनाः थुकथं गुगलं बीगु अंग्रेजी खँपुयात नेवाः भासं हिलेगु ज्या जुया वयाच्वंगु खः ।

थुकथं भाय् हिलेगु ज्या जुयाच्वंगु झ्वलय् न्हापांगु चरणय् गुगलयात माःगु खँग्वःत गायेधुंकूगु खँ अर्गनाइजेसनया नायः सिजन श्रेष्ठं ‘नेपालभाषा टाइम्स’यात कनादिल ।

वय्कलं कनादीकथं न्हापां भाय् हिलेगु ज्या जुयाच्वंगु व अनंलि उकथं भाय् हिउगु पाय्छि जू वा मजू धकाः ‘भ्यालिडेशन’ यायेगु झ्वलय् न्हापांगु चरणय् गुगलयात माःगु खँग्वः गायेधुंकूगु दु । आः छुं दिं लिपा निगूगु चरणय् ट्रान्सलेशन न्ह्याइगु नं डब्लुएनओया नायः श्रेष्ठं कनादिल ।

थौंकन्हय् न्ह्यानाच्वंग गुगल ट्रान्सलेशन सछिन्हु क्यंगु लसताय् जुइगु विशेष ज्याझ्वलय् आःतकया गतिविधियात कयाः गुगलया इन्जिनियर उज्ज्वल राजभण्डारी, डब्लुएनओया संयुक्त श्रेष्ठ व नेपालभाषा विज्ञ डेभिड हाग्र्रेभ्स लगायतं थःथःगु नुगःखँ तयादीगु जूगु दु ।

सम्बन्धित बुखँ

LEAVE YOUR COMMENTS