पारसया जर्सी न.७७ आःयात मेपिंत मबिइगु

येँ (नेपालभाषा टाइम्स)÷ नेपाल क्रिकेट संघ(क्यानं) पुलांम्ह कप्तान पारस खड्कां फिनावयाच्वंगु ७७ नम्बरयागु जर्सी अन्तर्राष्ट्रिय क्रिकेटय् मेपिं कासामितय्त मबिइगु खँ धाःगु दु । पारस खड्कां नेपाःया क्रिकेटयात बिउगु योगदानया सम्मान यासें क्यानं थ्व निर्णय याःगु खः ।

पारस खड्कां वंगु मंगलवाः अन्तर्राष्ट्रिय क्रिकेटं संन्यासया घोषणा याःगु खः । नेपाःया निंतिं खड्कां १७ दँ म्हितूगु दु । खड्का झिदँतक नेपाःया क्रिकेट टिमया कप्तान जूगु खःसा नेपाःयात एकदिवसीय कासाय् अन्तर्राष्ट्रिय मान्यता बीकेत सफल नं जूगु दु । खड्काया हे कप्तानीइ नेपालं टि–२० विश्वकप २०१४ नं म्हितूगु खः ।

सम्बन्धित बुखँ

LEAVE YOUR COMMENTS