
डर्टमुन्ड (एजेन्सी) – जर्मन बुंडेसलिगाय् बोरुसिया डर्टमुन्डं आइतवा: बहनिया कासाय् पार्डाबोनयात ६-१ बुकूगु दु । उकिइ इंग्लिस विन्गर जाडोन सान्चों ह्याट्रिक यात । थुकिया झ्वलय् वं अमेरिकी प्रहरीया नियन्त्रणय् सिम्ह अश्वेत जर्ज फ्लोयडया समर्थनय् ‘जर्ज फ्लोयडया नितिं न्याय’ च्वया: त:गु टी-सर्ट प्रदर्शन या:गु ख: । थ्व जित लिपा निगूगु थासय् च्वंगु डर्टमुन्डं बायर्न म्युनिकनापया दूरी हाकनं न्ह्यगु ल्याखय् थ्यंकूगु दु । आइतवा:या हे मेगु कासाय् बोरुसिया मुन्छेनग्लाडबाखं युनियन बर्लिनयात ४-१ बुकल । उगु कासाय् मार्कस थुरामं निगू गोल यात । थ्व कासा त्याका: मुन्छेनग्लाडबाख लिगया स्वंगूगु थासय् थ्यंगु दु ।
LEAVE YOUR COMMENTS