म्यानचेस्टर सिटी नर्विच पाखें स्तब्ध

प्रिमियर लिगया डिफेन्डिङ्ग च्याम्पियन म्यानचेस्टर सिटी म्हिगः लिउनेया क्लब नर्विच सिटीपाखें स्तब्ध जुइमाःगु दु । नर्विचं म्हिगः अलराउण्ड प्रदर्शन यासें सिटीयात ३–२ गोलं बुकल । प्रिमियर लिगय् सिटीया थ्व पराजय वंगु जनवरी लिपा न्हापांगु खः । कासाय् बाघौ जाःबलय् नर्विच निगू गोलं न्ह्यःने लायेधुंकूगु खः ।

कासाया १८ औं मिनेटय् केन्नी म्याक्लिनं कर्नर बलय् न्हापांगु गोल याःगु खःसा २८ औं मिनेटय् टोड कान्टवेलं मेगु गोल याःग खः ।न्हापांगु हाफ क्वचायेत्ययेकाः सिटीया निंतिं सर्जियो अग्युरों गोल यासें कासाय् लिहां वयेगु कुतः याःगु खः । तर लिपांगु हाफ सुरु जूगु न्यागू मिनेट लिपा हे टिमु पुक्कीं गोल यासें नर्विचयात हाकनं निगू गोलं अग्रता बिउगु खः ।

कासा क्वचायेत निगू मिनेट ल्यं दनिबलय् रोड्रीं सिटीया निंतिं न्हापांगु गोल यात । थ्व पराजय लिपा सिटी उपाधीया दावेदार लिभरपुललिसे न्यागू प्वाइन्टं लिउने लाःवंगु दु । न्यागू कासा लिपा लिभरपुलया १५ ल्याः जूगु दुसा सिटीया ल्याः १० जक जूगु दु ।

सम्बन्धित बुखँ

LEAVE YOUR COMMENTS