नेपाःया ११ म्ह कासामि पाकिस्तान सुपर लिगया ड्राफ्टय्

येँ- सन् २०२१ या पाकिस्तान सुपर लिगया (पिएसएल) ड्राफ्टय् नेपाःया ११ म्ह कासामि दुथ्याःगु दु । पिएसएलया ड्राफ्टयात प्लानिटम, डाइमण्ड, गोल्ड व सिल्भर यानाः प्यंगू श्रेणीइ तयातःगु दु । नेपाःया स्टार कासामि सन्दीप लामिछानेया नां प्लाटिनम क्याटेगोरीइ दुथ्याकातःगु दु ।

अथेहे नेपाःया ९ म्ह कासामिया ना सिल्भर क्याटेगोरीइ लानाच्वंगु दु । सोमपाल कामी, सुशन भारी, साहब आलम, शरद भेषवाकर, सुवास खकुरेल, ललित राजवंशी, पवन सरार्फ, वसन्त रेग्मी व विक्रम सोबया नां सिल्भर क्याटेगोरीइ दु । नेपाःया विकेटकिपर विनोद भण्डारीया नां गोल्ड क्याटेगोरी लानाच्वंगु दु । ड्राफ्ट डिसेम्बर १२ तारिखय् जुइ । अथे हे लिग जनवरीया २७ तारिखं निसें फेब्रुअरीया २७ तक पाकिस्तानय् जुइ ।

पाकिस्तान सुपर लिगय् छगू टिमं समान स्वम्ह स्वम्ह प्लानिटम, डाइमण्ड व गोल्ड क्याटेगोरीं व सिल्भर क्याटेगोरीं न्याम्ह कासामि दुथ्याकेमा । अथे हे निम्ह इमर्जिङ व निम्ह वैकल्पिक कासामि दइ । छगू टिमय् १६ म्ह कासामि दइसा उकी ११ म्ह पाकिस्तानी कासामि जुइ ।

सम्बन्धित बुखँ

LEAVE YOUR COMMENTS