प्रदेशस सरकार बारे गगन थापाया ब्रिफिङ

येँ (नेपालभाषा टाइम्स) – नेपाली कांग्रेसया सभापति गगन थापां प्रदेश सरकार नीस्वनेगु व गठबन्धनया सन्दर्भय् पार्टी काःगु अडान बारे केन्द्रीय कार्यसमितिइ ब्रिफिङ यानादीगु दु । उगु ब्रिफिङया झ्वलय् वय्‌कलं प्रदेशसभाय् प्रतिपक्षी विहीन दयेकेगु गुलिखें दलया कुतःयात कांग्रेसं पनागु दाबी यानादीगु खः ।

वय्‌कलं प्रदेशय् फुक्कं दल जानाः सरकार दयेकेगु व प्रतिपक्षी विहीन सभा दयेकगु विषयस नेपाली कांग्रेसया नेपाली कम्युनिष्ट पार्टी व नेकपा एमाले लिसे खँ मिले मजूगु स्पष्ट यानादीगु दु । ब्रिफिङया झ्वलय् वय्‌कलं धयादिल, ‘झीसं स्पष्ट कथं धया, नेपाली कांग्रेस प्रमुख प्रतिपक्षी विहीन प्रदेशसभा दयेके चाहेमजू । लोकतन्त्रय् बल्लागु प्रतिपक्ष अनिवार्य जुइ, अथेजुयाः फुक्कं शक्ति सरकारय् वनेगु खँय् कांग्रेस सहमत जुइ मफुत ।’