आईसीसी अवार्डय् कोहलीया क्लिन स्वीप

दिल्ली – भारतीय क्रिकेट कप्तान विराट कोहलीं आईसीसी क्रिकेट अवार्डय् छगू न्हूगु कीर्तिमन कायम याःगु दु । कोहलीं अन्तर्राष्ट्रिय क्रिकेट परिषद् (आईसीसीं) बीगु याना वयाच्वंगु अवार्डय् थुगु दँय् स्वंगुलिं अवार्ड त्याकाः कीर्तिमान तःगु खः । कोहलीं मिजं क्रिकेट वर्ष कासामिया निंतिं ‘सर गारफिल्ड सोबर्स अवार्ड’, एकदिवसीप क्रिकेट वर्ष कासामि व टेस्ट क्रिकेटया वर्ष कासामिया अवार्ड त्याकेत सफल जूगु खः ।

आतक सुं नं क्रिकेट कासामिं त्याके मफुनिगु स्वंगू अवार्ड त्याकाः कीर्तिमान तयेगु झ्वलय् कोहलीं आईसीसीं बीगु स्वंगू हे अवार्ड त्याकाः अवार्डय् ‘क्लिन स्वीप’ याःगु दु ।

अथे हे आईसीसी इमर्जिंग क्रिकेटरया अवार्ड भारतया हे विकेटकिपरलिसें ब्याट्सम्यान ऋषभ पन्तं त्याकेत सफल जूगु दुसा अस्टे«लियाया एरोन फिन्चं ‘टी–ट्वान्टी पर्फमेन्स अफ द इयर’, न्युजिल्याण्डया केन विलियम्सं ‘स्पिरिट अफ क्रिकेट’ व स्कटल्याण्डया क्लायम म्याकलोयडं ‘एसोसियट क्रिकेटर’या अवार्ड त्याकूगु दु । लिसें श्रीलंकाया कुमार धर्मसेनां ‘अम्पायर अफ द इयर’या उपाधी त्याकूगु दु ।

सम्बन्धित बुखँ

LEAVE YOUR COMMENTS