ग्यास अनुगमनय् प्रहरी

येँ (नेपालभाषा टाइम्स) – जा थुइगु ग्यासय् हाकुबजाः पनेत व सहज आपूर्ति अप्वयेकेत गृह मन्त्रालय व उद्योग, वाणिज्य तथा आपूर्ति मन्त्रालयया समन्वयय् बजाः अनुगमन तीव्र याःगु दु । उद्योग मन्त्रालयया सहसचिव नेत्रप्रसाद सुवेदीया कथं बजाः अनुगमनयात निरन्तरता बीगु लिसे प्रभावकारी दयेकूगु दुसा आपूर्तिइ सहजता वयाच्वंगु खँ धयादीगु दु । ग्यासया आपूर्ति सहज जुइक जुइकं नं कृत्रिम अभाव क्यनाः उपभोक्तातय्त समस्याय् लाकूगु व थिकेगु भावं ग्यास मीगु ज्या जुयाच्वंगु धासें उद्योगमन्त्री गौरीकुमारी यादवं गृहमन्त्री सुधन गुरुङयात अनुगमनया निंतिं सुरक्षाकर्मी परिचालन यायेत इनाप याःगु खः ।