तसकं तांन्वया फ्रान्सया निला दुने झिंन्यासःम्हेसिया ज्यान वन

तसकं तांन्वया फान्सय् वंगु निला दुने थ्यंमथ्यं झिंन्याम्हेसिया ज्यान वंगु दु । फ्रान्सया स्वास्थ्य मन्त्रालयया कथं वंगु जुलाइ व जुनय् जक १,४३५ म्हेसिया ज्यान वंगु खः ।स्वास्थ्यमन्त्री यानएस बुएजां फ्रेञ्च रेडियो लिसे खँ ल्हासें सीपिं मध्ये बछि ७५ दँ स्वयां थकालिपिं जूगु खँ धाःगु दु ।

तर इलय् हे सावधानी नालेफुगुलिं सन् २००३ य् युरोपय् तसकं तान्वया सीपिनि ल्याःया तुलनाय् १० गुणां म्हो यायेफुगु खँ नं वय्कलं धयादीगु दु ।वंगु जुनय् फ्रान्सय् आःतकया हे दकलय् उच्च तापक्रम कथं ४६ डिग्री सेल्सियस मापन याःगु खः । अथे जुलाईलय् राजधानी पेरिसया तापमान ४२.६ डिग्री थ्यंगु खः ।

स्वास्थ्य मन्त्रालयया कथं जनु २४ निसें जुलाई ७ तकया दुने ५६७ म्हेसिया ज्यान वंगु खःसा मेपि ६८६ म्हेसिया ज्यान जुलाई २१ निसें २७ दुने वंगु खः । थुपिं मध्ये झिम्ह ज्या यानाच्वं थासय् हे सीगु खः ।गर्मीया इलय् फ्रान्सया थीथी शहरय् रेड अलर्ट जारी याःगु खः । गर्मी पाखें बचे जुइगु निंतिं उगु इलय् यक्व धयाथें स्कुल बन्द यानाः सार्वजनिक सभा समारोह यायेत तकं पंगु खः ।

सर्वसाधारणया सुविधाया निंतिं ततःधंगु पार्क व स्वीमिङ पुलयात खुला याःगु खः । अथेहे पेरिसया थीथी नगरपालिकां भवन ख्वाउँकेगु निंतिं कुल रुम तकं व्यवस्था याःगु खः ।फ्रान्सया लिसें बेलायत, बेल्जियम, जर्मन, लक्जम्बर्ग व नेडरल्यान्ड थेंज्याःगु देशय् नं थ्व इलय् दकलय् अप्वः तापमानया रेकर्ड जूगु दु ।

सम्बन्धित बुखँ

LEAVE YOUR COMMENTS