तुतिया वासलं म्येय् सँ !

मनूया छ्यनय्, म्हय् जक मखु, गबलें गबलें ख्वाः छपातं व सम्भव हे मदु थाय्तकं सँ बुया वःगु घटना नं झीसं न्यना वयाच्वनागु खः । अथे हे छुं नं ल्वय् जुल कि झीसं वासः नयेबलय् उकिं ल्वय् लनीगु जक मखु, उकिया नकारात्मक लिच्वः मेमेगु थासय् लाःगु धइगु समाचार नं झीसं न्यना वयाच्वनागु हे खः ।

अमेरिकाय् धाःसा छुं दिं न्ह्यः छगू अजू चायापुगु जक मखु तसकं ग्यानापुसे च्वंगु हे घटना जुयाबिल । कार दुर्घटनाय् लानाः घाःपाः जूम्ह छम्हेसित उपचारया झ्वलय् वयात एन्टिबायोटिक वासः नकूगु जुयाच्वन । तर उम्ह घाःपाः जूम्हेसित वासःया नकारात्मक प्रभावं वयागु म्हुतुइ दुनेच्वंगु म्येय् सँ बुया वल ।

५५ दँ दुम्ह छम्ह मिसा कार दुर्घटनाय् लानाः वयागु निपां तुतिइ चोट लात । अले वयात वासः यायेत चिकित्सकं ‘मेरोपेनेम’ व ‘मिनो साइलाइन’ नांया निजाजि एन्टिबायोटिक वासः नयेत बिउगु जुयाच्वन ।उम्ह मिसां वासः नःगु करिब लछि लिपा वयात म्ये ख्वातुसे च्वंगु, मछिंगु, छुं नं नयेबलय् सवाः मदइगु जुयाबिल ।

वयां लिपा वं थःगु म्हुतु चिकित्सकया परीक्षणया निंतिं क्यंगु इलय् सीदत कि वयागु म्हुतुइ ला जायेक सँ बुया वयाच्वनेधुंकूगु जुयाच्व ।
चिकित्सकीय भासं थज्याःगु ल्वय्यात ‘लिंगुआ भिलासा निग्रा’ धाइ अले थुकथंया ल्वय् १८ मिलिमिटर ताःहाकःगु म्येय् सँ बुया वइगु खः ।

सम्बन्धित बुखँ

LEAVE YOUR COMMENTS