काश्मीरय् बन्द यानातःगु संचार आंशिक रुपं सेवा शुरु

प्रधानमन्त्री नरेन्द्र मोदी प्रशासनं जम्मु काश्मिरयात बियातःगु संवैधानिक विशेषाधिकार खारेज याःबलय् बन्द याःगु संचार सेवा झिंनिन्हु लिपा आंशिक रुपं सुरु जूगु दु । जम्मुया न्यागू जिल्ला टुजी सेवा सहितया इन्टरनेट सेवा सुरु जूगु दुसा काश्मिर उपत्यकाय धाःसा आःयात ल्यान्डलाइन सेवा जक सुरु जूगु दु ।

आंशिक रुपं संचार सेवा सुरु जूसां मुस्मांतय् बाहुल्यता दुगु थासय् धाःसा अझं संचार अवरुद्ध हे जुयाच्वंगु दनि ।विशेषाधिकार खारेज यानाः केन्द्रीय शासन लागू यायेधुंकाः वंगु अगस्ट ५ निसें काश्मिरय् टेलिफोन, इन्टरनेट सेवा फुक्कं बन्द जुयाच्वंगु खः । जम्मु काश्मिरया प्रिन्सिपल सेक्रेटरी रोहित कांसलं शनिवाः सुथं निसें उपत्यकाया ३५ गू प्रहरी स्टेशन दुगु क्षेत्रय् प्रतिबन्ध छ्वासुकागु खँ धाःगु खः ।

वय्कलं आइतवाः सनिलं निसें संवेदनशील थाय् बाहेक मेमेथाय्या टेलिफोन नं सुचारु जुइगु खँ धाःगु दु ।स्थानीय पत्रकार मोहित कंधारीं बिबिसीलिसे खँ ल्हासें मुस्मां बाहुल्यता दुगु राजौरी, पंछु, किश्तवाड, डोडा व रामबनय् आः नं इन्टरनेट सेवा बन्द दुगु खँ धाःगु दु ।प्रिन्सिपल सेक्रेटरी रोहित कांसलं सोमवाः निसें फुक्कं स्कुल नं चले जुइगु व सरकारी ज्याकुथिइ नं नियमित रुपं चले जुइगु खँ नं धाःगु दु ।

सम्बन्धित बुखँ

LEAVE YOUR COMMENTS