कोरियाली सीमाय् नापलायेत किमयात ट्रम्पया निमन्त्रणा

अमेरिकी राष्ट्रपति डोनाल्ड ट्रम्पया छगू ट्विट अमेरिका व उत्तर कोरियाया स्वापुतिइ न्हूगु तरंग हयाबिउगु दु । दक्षिण कोरियाया भ्रमणय् वनेत्यंम्ह राष्ट्रपति ट्रम्पं छगू ट्विट यासें उत्तर कोरियाली नेता किम जंग अनयात उत्तर व दक्षिण कोरियाया सीमाय् नापलायेत निमन्त्रणा यानादीगु दु ।

जपानय्जुयाच्वंगु जी २० या शिखर सम्मेलनय् ब्वति कयाच्वंम्ह राष्ट्रपति शनिवाः हे दक्षिण कोरिया भ्रमणया निंतिं सोल थ्यंकःवंगु दु । थन थौंकन्हय् निस्क्रिय जुयाच्वंगु उत्तर कोरियालिसेया परमाणु निशस्त्रीकरण सम्बन्धी वार्तायात हाकनं गुकथं न्ह्याकेगु धयागु बारे दक्षिण कोरियाली राष्ट्रपति लिसे सहलह याइगु खँ धाःगु दु ।

राष्ट्रपति ट्रम्पं जी २० या सम्मेलनय् संवोधन यायेगु बारे थ्व बारे छुं न्ववानामदीसां शनिवाः सुथय् आकाझाकां ट्विट यासें किमयाता नापलायेगु प्रस्ताव यानादीगु खः ।‘यदि वय्कः अन वल धाःसा जिपिं २ मिनेटया निंतिं नापलायेगु जुइ, अले थ्व हे पर्याप्त जुइ’ संववादातात लिसे खँ ल्हासें वय्कलं धयादीगु दु ।मेखे दक्षिण कोरियाली राष्ट्रपतिया ज्याकुथिं किम व ट्रम्प नापलायेगु ज्याझ्व सम्बन्धी छुं पुष्टि मजूनिगु खँ धाःगु दु ।

सम्बन्धित बुखँ

LEAVE YOUR COMMENTS