पुष्पलाल पार्कय् पीएल सिंहया झ्वाता थापना
येँ (नेपालभाषा टाइम्स) – येँ महानगरपालिकाया पुलांम्ह मेयर लिसे मन्त्री पीएल सिंहया झ्वाता १८ वडास्थित पुष्पलाल पार्कय् स्थापना याःगु दु । वंगु शनिवाः छगू ज्याझ्वःया दथुइ येँ मनपाया कार्यवाहक मेयर सुनिता डंगोलं झ्वाताया उलेज्या यानादीगु खः । ज्याझ्वलय् थीथी वडाया वडाध्यक्ष लिसे सिंहयाः छेँजःपिसं व स्थानीय वासिन्दां ब्वति काःगु खः । धातूया उगु झ्वाता मूर्तिकार श्याम तुलाधरं दयेकादीगु खः । झ्वाता दयेकेत ९ लाख ३८ हजार तका खर्च तूगु जानकारी ज्याझ्वलय् बिउगु दु । ज्याझ्वलय् कार्यवाहक मेयर डंगोल वडा अध्यक्ष न्हुच्छेकाजी महर्जन व ११ वडाया वडा अध्यक्ष हिरालाल तण्डुकारपिसं पीएल सिंहया योगदानयात कयाः चर्चा यानादीगु खः ।
LEAVE YOUR COMMENTS