फिफा विश्वकप २०२६ : उद्घाटन कासा मेक्सिको व फाइनल अमेरिकाय्
एजेन्सी- सन् २०२६ य् मक्सिको, अमेरिका व क्यानाडाया मंकाः ग्वसालय् जुइत्यंगु विश्वकपया कासा जुइगु थाय् व ईया धलः सार्वजनिक याःगु दु । सन् २०२६ या जुननिसे ११ निसें जुलाइ १९ तक जुइगु विश्वकपया उद्घाटन कासा मेक्सिकोय् व फाइनल कासा अमेरिकाय् जुइगु जूगु दु ।
विश्वकपया उद्घाटन कासा मेक्सिकोया अज्टेका स्टेडियमय् जुइ । थ्व स्टेडियमय् अर्जेन्टिनाया महान् कासामि डिएगो म्यारोडोनां याःगु ह्यान्ड अफ गड गोल निंतिं नाजाःगु स्टेडियम नं खः । अथेहे विश्वकपया फाइनल कासा अमेरिकाया न्यूजर्सीइ जुइ ।
सन् २०२६ या विश्वकपय् न्हापांखुसी ४८ गू देशं ब्वति कायेत्यंगु दु । समूह चरणय् प्यंगू प्यंगू टिमया दुथ्याकाः १२ गू पुचलय् विभाजन याइ । समुहया शीर्ष निगू टिम व उत्कृष्ट च्यागु टिम नकआउटय् थ्यनी । नकआउटय् ३२ गू टिमं धेंधेबल्लाः याइ । विश्वकपया दकलय् अप्व कासा अमेरिकाय् जुइ । अमेरिकाय् ७८ गू कासा जुइसा मेक्सिको व क्यानाडाय् १३÷१३ गू कासा जुइ ।
LEAVE YOUR COMMENTS