
दक्षिण अफ्रिकाया फास्ट बलर डेल स्टेनं विश्वकप क्रिकेटया न्हापांगु कासा म्हितेमखनीगु जूगु दु । आइपिएल कासाया झ्वलय् ब्वहलय् लाःगु चोट बांलाक मलंगुलिं डेलं न्हापांगु कासा त्वःफिके मालेत्यंगु खः । दक्षिण अफ्रिकाया प्रशिक्षक ओटिस गिब्सनं डेल इग्ल्यान्डनाप जुइगु उद्घाटन कासा व बङ्गलादेशानाप जुइगु निगूगु कासाय् मम्हितीगु जानकारी बिउगु दु ।
प्रशिक्षक ओटिसं भारत नाप जुइगु स्वंगूगु कासाय् धाःसा डेल फिट जुइगु खँ नं धाःगु दु । डेलं एकदिवसीय कासाय् १९६ विकेट व टेस्ट क्रिकेटय् ४८९ विकेट कायेधुंकूगु दु ।विश्वकप क्रिकेट २०१९ इंग्ल्यान्ड व वेल्सया ग्वसालय् मे ३० निसें १४ जुलाइ तक जुइत्यंगु दु ।
झिगू देशं ब्वति काइगु थ्व विश्वकप राउण्ड रोबिनया आधार जुइ । शीर्ष प्यंगू टिमं सेमिफाइनल म्हिती । थुगुसी विश्वकपय् दक्षिण अफ्रिका, भारत, अष्टे«लिया, इंग्ल्याण्ड, न्युजिल्याण्ड, पाकिस्तान, बङ्गलादेश, श्रीलंका, वेष्ट इन्डिज व अफगानिस्तानया सहभागीता दु ।
LEAVE YOUR COMMENTS