उरुग्वे व चिली क्वार्टरफाइनलय्

चिलीयात बुकाः उरुग्वे कोपा अमेरिकाया क्वार्टरफाइनलय् दुहां वंगु दु । म्हिगः सुथय् जूगु कासाय् उरुग्वें चिलीयात १–० गोलं बुकाः समूह ‘सी’ या विजेता जूगु खः । मेखे उरुग्वेपाखें पराजित जूसां चिली नं क्वार्टरफाइनलय् दुहां वंगु दु । समूह चरणय् निगू कासा त्याःगु व छगुलिइ पराजि तजूगु चिली ६ अंक कयाः उपविजेता जूगु खः ।

उरुग्वे धाःसा निगू त्याकाः छगू बराबरी यानाः ७ अंक सहित समूह विजेता जूगु खः । उरुग्वेया निंतिं कासाया ८२ औं मिनेटय् इन्डिसन काभानीं छगू जक गोल याःगु खः । न्हापांगु हाफय् गोल यायेमफुसां उरुग्वें निगूगु हाफय् उत्कृष्ट कासा क्यनाः विजय चूलाकूगु खः । म्हिगःया कासाय् चिलीइ नं बांलाःगु कासा न्ह्यब्वःगु खः । म्हिगः हे जूगु जापान व इक्वेडर दथुया कासा १–१ गोलया बराबरी जूगु खः ।