उदाय् फुटसलय् स्थापित पुचः न्हाप

येँ- स्थापित खलः युवा पुचःया ग्वसालय् जूगु उदाय् फुटसलय् स्थापित खलःया ल्याय्म्ह पुचः न्हाप लात । वंगु फागुन ४ व ५ गते निन्हुयंकं जूगु फुटसल कासाय् न्यत तुलाधर ल्याय्म्ह पुचः लिउ व श्रीदिगु ख्यः गुथि ल्याय्म्ह पुचः लियांलिउ लाःगु दु ।

कासाय् विजयी जुयादीपिं उदाय् समाजया नायः डा. रुपज्योति कसाःजुं पदक, व शिल्ड लःल्हानादीगु खःसा प्रदेश नं. ३ या भौतिक पूर्वाधार विकासमन्त्री केशव स्थापितं दसिपौ लःल्हानादीगु खः ।

मूपाहां उदाय समाजया नायः कसाःजुं फिफा रेफ्रियात बल लःल्हानाः कासाया उलेज्या यानादीगु खः । भौतिक पूर्वाधानमन्त्री स्थापित विशेष पाहांकथं झायादीगु ज्याझ्वलय् थीथी व्यक्तित्वपिं, स्थापित खलःया नायः प्रेमकाजी स्थापितं थःथःगु नुगःखँ तयादीगु खः ।

स्थापित युवा पुचःया नायः प्रमिल स्थापितं ज्याझ्वःया बारे जानकारी बियादीगु खः खलःया न्वकु सुवर्णकाजी स्थापितं लसकुस यानादीगु खः ।

नेपालभाषा टाइम्स

च्वमिया मेमेगु

• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल
• छायादेवीया जग्गा पुखू प्रमाणित
• पाहाँचःह्रे क्वचाल
• ताेखाय् बिस्काःया निंतिं यःसिं थन