ने. सं. ११४४ कौलाथ्व पारू - नःलास्वनेगु

सीके दुसा जिउ !

पत्रिकाय् ब्वने । थौंकन्हय् । पर्यटकीय नगरी पोखराय् । छगू बहस न्ह्याःगु दु । बहस । पर्यटन विकास, समृद्धिया सन्दर्भय् खनेदु । विषय न्हूगु व भद्दा थें खनेदइ । उकिं । बहसं विवादया गति काः वनी ला ? आशंका यायेफु । देय् संघीयताय् वनी । केन्द्र सरकार अले न्ह्य्गू प्रदेशया सरकारत स्थापना जुइ ।

हरेक प्रादेशिक सरकारं थःथःगु प्रदेशया विकासया लागिअनेक योजनात दयेकी । कार्यक्रमत न्ह्याकी । थःथःगु प्रदेशया विशेषतायात गथे यानाः संवद्र्धन यायेगु ? विकास निर्माणयात न्ह्याकाः थःथःगु प्रदेशया पहिचानयात गथे यानाः ब्वलंकेगु ? प्रत्येक प्रदेश सरकारया थौ चिन्ता जुइ । अठोट जुइ ।

थज्याःगु हे चिन्ता, अठोटया क्रमय् प्रदेशया मुख्यमन्त्रीं पर्यटनया आकर्षणया केन्द्र पोखराय् ‘रेडलाइट एरिया’ अर्थात वेश्यालय चायेकेगु विचाः प्रवाह याइ । मुख्यमन्त्रीया थ्व विचाः पर्यटनया विकासया कार्यक्रमकथं हे न्ह्याकूगु खः । दावा याइ । अघोषित रुपय् वेश्यालय संचालित जुयाच्वंगु दु ।

वैध रुपय् रेडलाइट एरिया संचालन याये फःसा वेश्यालयत अव्यवस्थित जुइमखु । भय, त्रासया स्थितिइ थ्व वृत्ति, व्यवसाय कुण्ठित जुयाच्वने मालीमखु । पर्यटन विकासया छगू संवेदनशील पक्ष ‘रेडलाइट एरिया’ नं खः । थ्व स्वापूयात उकिं सुगम, व्यवस्थित यायेमाः । थ्व आशयं मुख्यमन्त्रीं रेडलाइट एरिया स्थापनाया विषय कुली ।

हरेक देय्या पर्यटक सालेगु वा आकर्षित यायेगु थःथःगु आधारत दयाच्वनी । गुलिं देय् प्राकृतिक सौन्दर्यया दृष्टिं विशेष जुयाच्वनी । गुलिं देय् सांस्कृतिक कला प्राचीन सम्पदाया दृष्टिं असाधारण जुयाच्वनी । गुलिं देय् आधुनिकतम विकासया केन्द्र जुयाच्वनी । अझं गुलिं देय्ला यौन पर्यटनया लागिं प्रख्यात जुयाच्वनी ।

विश्वय् हरेक देशं थःथःगु देशय् पर्यटकतय्त आकर्षित यायेत स्वइ । हरेक देय्या पर्यटक सालेगु वा आकर्षित यायेगु थःथःगु आधारत दयाच्वनी । गुलिं देय् प्राकृतिक सौन्दर्यया दृष्टिं विशेष जुयाच्वनी । गुलिं देय् सांस्कृतिक कला प्राचीन सम्पदाया दृष्टिं असाधारण जुयाच्वनी । गुलिं देय् आधुनिकतम विकासया केन्द्र जुयाच्वनी ।

अझं गुलिं देय्ला यौन पर्यटनया लागिं प्रख्यात जुयाच्वनी । थाइल्याण्ड यौन पर्यटनया लागि प्रसिद्ध, गन्तव्य देय् धाइ । अथे हे धार्मिक उद्देश्यं थःथःगु गन्तव्य क्वःछीपिं पर्यटकत नं दयाच्वनी । पर्यटकतयसं थःथःगु गन्तव्य थःथःगु अभिरुचि, लक्ष्यकथं क्वःछी ।
पोखरा ! प्राकृतिक सौन्दर्यया खानी ।

नेपालय् वइपिं पर्यटक पोखराय् मवंपिं धइगु हे दइमखु । माछापुच्छ«े हिमाल, फेवाताल । सराङकोटं खने दइगु सुर्योदयया अनुपम दृश्य । वेगनास ताल । अनेक रमणीय गन्तव्य थाय्त दु । विदेशीत जक मखु । स्वदेशी, घरेलु पर्यटकनं थौं पोखराया प्राकृतिक सौन्दर्यया रसपान यायेत वं । वनी ।

पोखराय् ‘रेडलाइट एरिया’ चायेकेगु बहसं पोखराया अनुपम, पवित्र छवियात हाकलं पायेका बी । थ्वया बदनाम जुइ । थुकियात पनेमाः । बहसय् गुलिखे पोखरावासीतय्सं थःगु असन्तोष व्यक्त याःगु दु । विद्रोह प्वंकूगु दु । पोखरा झीगु देय्या छगू हे जक प्राकृतिक सौन्दर्यया धुकू व राष्ट्रिय गौरवया क्षेत्र खः ।

अनया छवि च्वय् क्वय् जुल कि उकिया प्रभाव स्थानीयय् जक जुइ मखु । राष्ट्रियस्तरय् जुइ । लाइ ।‘रेडलाइट एरिया’या पक्षधरतय्सं तर्क बी । अघोषित रुपं वेश्यावृत्ति संचालन जुयाच्वंगु दु । भूमिगत रुपय् । वैध रुपय् । निश्चित थासय् जक सीमित याये फुसा थ्व व्यवसाय अनुशासित जुइ । बैंकक व नेदरल्याण्ड थेंज्याःगु विश्व प्रसिद्ध यौन पर्यटन यौन पर्यटनस्थलतय् बखान याना हइ ।

पर्यटन विकास व यौनया गहन स्वापूया पुष्टि यायेत स्वइ ।पर्यटकतय् थौं पोखराया यात्राया उद्देश्य अनया प्राकृतिक वैभव स्वयेगु जुइ । अनया स्वच्छ, शान्त वातावरणपाखें आनन्द कायेगु जुइ । झी हे नं थौं पोखरा वनेगु इच्छा माछापुच्छ«े स्वयेगु निंतिं जुइ । फेवाताल, वेगनास तालय् न्ह्यइपुकेया निंतिं जुइ ।

आः रेडलाइट एरिया चाली । अले बैंककय् थें ‘रेडलाइट एरिया’ थःगु गन्तव्य तायेकाः यात्रा याइपिं पर्यटकत दइ । वइ । अले माछापुच्छ«ेया सौन्दर्यता गन लाइ । फेवाताल, वेगनास तालया गति छु जुइ ? ‘रेडलाइट एरियां’ थ्व फुक्कसित कचिकं नयाबी । वदनाम यानाबी । सक्रिय व सघन रुपय् यौन धन्दा खुल्ला जुइगु नेदरल्याण्डय् नं थौं वेश्यावृत्तिया विरोधय् सः थ्वयाच्वंगु दु ।

वेश्यावृत्तिया धन्दां मिसातय्त कामुक मिजंतय् निंतिं वियर, चाउचाउ थेंज्याःगु उपभोग्य वस्तु याना बिउगु दु । थुकियात दिकेमाः । पनेमाः । विरोधया सः थ्वइ । ‘मेपिनिगु मेगु हे धन्दा घरज्वाइँया नयेगु हे धन्दा’ धाःथें मुख्यमन्त्रीया ‘रेडलाइट एरिया’ चायेकेगु धन्दा छाय् ? सीके दुसा जिउ ।