ने. सं. ११४६ बछलाथ्व पञ्चमी - दयावीरसिं बुदिं

कला प्रदर्शनीइ परफर्मेन्स आर्ट

न्ह्याबलें चित्रकलाया ब्वज्या, कार्यशाला व सहलह जुयाच्वनीगु थनया बबरमहलस्थित नेपाल कला परिषद् (आर्ट काउन्सिल)या दृश्य थ्व इलय् फरक खने दयाच्वंगु दु । गोबर व सियुचाया न्ह्यथाय् द्वँ चिनाच्वंगु खंबलय् अन वःपिं सकलें अजू चाल । छु यायेत्यंगु खःल्याः धइगु उत्सुकतां अन वःपिंसं थवंथवय् न्हाय्पनय् खँ ल्हाःगु तकं खने दत ।

छक्वलं पचिनांगाः अवस्थाय् वःम्ह छम्ह ल्याय्म्ह छुं ई ध्यान यायेधुंकाः म्हछम्हं तुयुगु रंग पायेखतं गोबर व सियुचा न्हायाः म्हछम्हं बुत्तुबुल । झण्डै बाघौया ई दुने गबलें गोबर व सियुचा न्हायेगु, गबलें थःगु म्हय् बुलेगु, गबलें ध्याचलय् ग्वतुलेगु, गबलें छ्यनं चुयाः दनेगु व गबलें गोबर व सियुचाय् थःगु छ्यं थुनेगु यात ।

गोबर व सियुचां बुलातःगु खंबलय् अन वयाच्वंपिं जक मखसे लँजुवाःत नं अजू चाया टक्क दिनाः स्वयाच्वन । थ्व क्रम न्ह्यानाच्वंगु इलय् कला परिषद् परिसरय् आपालं मनूतय् हुल मुनेधुंकल । थुकथं कलाया न्हूगु विधा ‘परफर्मेन्स आर्ट’ प्रस्तुती बिउम्ह कलाकार खः, मुगुया कोशल हमान ।

न्ह्याम्हसिनं नं प्रक्रिया पूरा यानाः याये मफइगु थ्व कला ल्याय्म्ह पुस्ताय् अभिरुचि अप्वयाच्वंगु दु । वय्कलं धयादिल, ‘थःगु थातथलो मुगुया परिवेश क्यनेत स्वयागु खः, गोबर व सिउचा मुगुया म्हसीका खः, उकिं जिगु जीवनयात गुकथं प्रभाव लाकाच्वंगु दु, थुकी नं व हे दु ।’
‘छि सु खः ? छि गनं वयागु ? झी सकलें सु खः ?

हरेक धइथें चित्रय् प्रायः समाजया हे हरेक क्षत्र कःघानातःगु दु । वंगु जेठ २ गतेनिसें कला परिषद्या हल व परिसर चित्रकलां जायाच्वंगु दु । छेँदिनिसें कःसिइ तकं कलाकारया चित्र आकर्षक धंगं छायेपियाः तयातःगु दु ।

झी गुखेपाखे वनाच्वना ? जिगु प्रस्तुतिया मुख्य न्ह्यसः नं थ्व हे खः’ हमालं प्रष्ट यासें धयादिल । हरेकया थःथःगु हे बिस्कं बिस्कं कथंया विशेषता दइगु व थ्व हे म्हसीकालिसें व म्वानाच्वंगु दइ धइगु वयागु सन्देश खः ।थ्व हे कलाया निंतिं विशेष पुरस्कार तकं प्राप्त यानादीम्ह हमालं येँ न्ह्यानाच्वंगु गुक्वःगु राष्ट्रिय कला प्रदर्शनीइ झ्वलय् ‘परफर्मेन्स आर्ट’ प्रस्तुत यानादीगु खः ।

छखेर कला प्रदर्शनी न्ह्यानाच्वंगु दुसा मेखेर न्हियान्हिथं हे धइथें छुं न छुंकथंया ज्याझ्वः नं जुयाच्वंगु नेपाल ललितकला प्रज्ञा प्रतिष्ठानया प्राज्ञ रमेश खनालं कनादिल । उगु ज्याझ्वःयात ललितकलाया महोत्सवया हे रुपय् कयातःगु दु । प्रदर्शनीइ तयातःगु चित्र सामाजिक सन्देश बीगु कथंया जीवनशैलीनिसें सांस्कृतिक व पुरातात्विक महत्वया चित्र नं दुथ्यानाच्वंगु दु ।

हरेक धइथें चित्रय् प्रायः समाजया हे हरेक क्षत्र कःघानातःगु दु । वंगु जेठ २ गतेनिसें कला परिषद्या हल व परिसर चित्रकलां जायाच्वंगु दु । छेँदिनिसें कःसिइ तकं कलाकारया चित्र आकर्षक धंगं छायेपियाः तयातःगु दु । स्वदेशी व विदेशीतय्सं तक चित्रकला ब्वज्या तसकं अभिरुचिपूर्वक अवलोकन याना वयाच्वंगु दु ।

जेठ २ गतेनिसें शुरु जूगु कला प्रदर्शनीइ चित्रकला व मूर्तिकलापाखे आधुनिक व परम्परागत कला दुथ्यानाच्वंगु दु । अथे हे हस्तकला, लोककला, फोटोग्राफी कला, भिडियो कला, इन्स्टलेशन कला, मिथिला, पौभाः, थांका, नेवाः प्रस्तर मूर्ति कला नं प्रदर्शनीइ तयातःगु दु ।
कला महोत्सवकथं म्हसीया वयाच्वंगु प्रदर्शनीइ ४५३ म्ह कलाकारया ५१५ गू कला ब्वज्याय् तयातःगु दु ।

थन न्हय्गुलिं प्रदेशया कलायात थाय् बियागु नेपाल ललितकला प्रज्ञा प्रतिष्ठानया कुलपति कान्छाकुमार कर्माचार्यं जानकारी बियादिल । झिंखुम्ह वरिष्ठ कलाकारया चित्रकलातकं दुथ्यानाच्वंगु दु । कर्माचार्यं धयादिल, ‘ललितकलाया प्रवद्र्धन, विकास व चेतना अभिवृद्धि यायेत कला प्रदर्शनी उपयोगी जुइगुलिं जिमिसं थुकियात निरन्तरता बिया वयाच्वनागु दु ।’