स्वकीय सचिवबारे कारण देखाउ आदेश

येँ (नेपालभाषा टाइम्स) – सर्वोच्च अदालतं सांसदतय्त स्वकीय सचिवया सुविधा बीगु सरकारया निर्णयय् कारण देखाउ ओदश जारी याःगु दु । सोमवाः न्यायाधीश विनोद शर्माया एकल इजलासं प्रधानमन्त्री तथा मन्त्रिपरिषद्या ज्याकूया नामय् कारण देखाउ आदेश जारी याःगु खः । मन्त्रिपरिषद्या असार ३० गते च्वंगु बैठकं सांसदतय्त स्वकीय सचिव तये दइगु निर्णय याःगु खः । थुगु निर्णय साउन ४ गते राजपत्रय् पिहां वयेधुंकाः अधिवक्ता डा. प्रेमराज सिलवालं वंगु शुक्रवाः निर्णय बदर यायेमाःगु व अन्तरिम आदेश जारी यायेत माग यासें रिट तःगु खः । सरकारया थ्व निर्णयं अनावश्यक रुपं राज्य खर्च अप्वयेकीगु व संविधानया धारा ११७ अःखः खर्चया दायित्व अप्वइगु रिटय् धयातःगु दु ।