अजर अमर साहित्यकार-रङ्गकर्मी : रामशखेर नकःमि
नेपालभाषा साहित्य व संस्कृति विशेष यानाः हास्य ब्यङ्ग्य, ख्यालि, नाटक व बाखं ख्यलय् रामशेखर नकःमि छम्ह ल्वःमंके मफइगु नां खः । वय्कःया जन्म बि।सं। १९९२ साल जेष्ठ महिनाय् ख्वपया ऐतिहासिक थाय् इनाचोया वाँचु त्वाः वडा नंं ७ य् जूगु खः ।
महासत्व व त्यागी मां(अबु मोहनमाया नकःमि व शेरबहादुर नकःमिया कायकथं जन्म जुयादीम्ह रामशेखरं बि.ए. तकया ब्वनेज्या पूवंकाः गुगुं नं ख्यलय् थःगु स्पष्ट छाप त्वःता थकूगु दु ।
साहित्य ब्वनेगु हास्य व्यंग्य बाखं व नाटक च्वयेगु, अनं लिपा थः हे दबुलिइ वनाः म्हितेगु व सांस्कृतिक अन्वेषण यायेगु वय्कःया तःधंगु रुचि व साधना खः ।
प्रकाशित कृति व साहित्यिक योगदान
रामशेखर नकःमि छम्ह सवल च्वमि खः । वय्कःया सृजनाय् समाजय् दुगु विकृति, विसंगति व मानवीय प्रवृत्तियात तसकं स्याचुक्क व ख्यालि मुद्राय् क्यनातःगु दु । वय्कःया मू मू प्रकाशित कृति थुकथं दु स्
बाखं मुना : स्वतिपाँय् ९२०१९ वि.सं. व सिमात फफ स्वः ९२०३२ वि.सं. थ्व बाखं मुनाय् समाजया यथार्थ चित्रण दु ।
उपन्यास : नसंफाःगु चा ९२०३० वि.सं. थ्व उपन्यासं नेपालभाषा साहित्यय् प्रतिष्ठित ‘श्रेष्ठ सिरपाः’ त्याकेत ताःलाःगु खः ।
हास्य व्यंग्य नाटक : धिन्ताल्ल ९२०३७ वि.सं. थ्व प्रहसन नाटक संगाले लिपा वनाः नेपालभाषा एमए (MA) तगिंया पाठ्यक्रमय् नं दुथ्याकाल, भजगोविन्द ।
‘शिकागो नेवाः’ व वय्कःया बाखं जिगु सम्पादनय् नेवाः अमेरिकन दबू, अमेरिकाया लुखां पिदंगु ‘शिकागो नेवाः’ दँपौ ल्याः ३ ९ने।सं। ११३४० य् वय्कःया ‘न्यापिस’ बाखं प्रकाशन जूगु ।
थ्व बाहेकं वय्कःया यक्व हास्य व्यंग्य नाटक, प्रहसन व च्वसुत थीथी पत्रपत्रिकाय् निरन्तर पिहां वयाच्वंगु खः ।
लेखन, रंगमञ्च व अभिनय यात्रा
वय्कःया रंगमञ्च यात्रा वि।सं। २०११ निसें शुरु जुयाः दशकौंतक न्ह्याःगु खः । वय्कःया छुं मू रंगमञ्चीय पलाः थुकथं दु :
२०११ : ‘समाज सुधार’ एकांकी नाटकय् विना संवादया ९विरामी मनू सीगु० मचा भूमिकां रंगयात्रा सुरु ।
२०१२ : नृत्यकला मन्दिरया ‘साहसी महिला’ (नेपाली) नाटकय् मिखां मखंम्ह भिखारीया भूमिकाय् ‘पुनमाया’ प्रहसन च्वसु व मञ्चन व न्हापांगु हास्य बाखं ‘ससःमांया घुर्कि’ च्वयाः वाचन । ‘आश्चर्य’ बाखं झी पत्रिकाय् प्रकाशन ।
२०१३ : ‘विधवा’ पूर्णांकी नाटक च्वयाः मञ्चन । वाङ्मय शताब्दी पुरुष सत्यमोहन जोशीया ‘सिद्धिदास’ नाटकय् महाकवि सिद्धिदासया जीवन्त भूमिका निर्वाह । ‘एक्सपोर्ट इम्पोर्ट’ हास्य नाटक च्वयाः पाटनय् मञ्चन ।
२०१४-२०१६ : ‘समाज’ नाटकय् सिँया थकालि ९तिसा दयेकीम्ह बांडा०या भूमिका । २०१५ सालय् ‘ज्यापु ज्यापुनी’ युगल प्याखं क्यनाः ज्यापुया भूमिका । २०१६ सालय् ‘कलाकार महान्’ हास्य नाटक च्वयाः राष्ट्रिय नाचघरय् क्यंगु व ‘भष्मासुर’ भाव नृत्यनाटिकाय् भष्मासुरया अभिनीत पात्र ।
सांस्कृतिक उत्थान व प्रहसन काल
२०१८-२०२० स् प्रजातन्त्र दिवसय् राष्ट्रिय नाचघरय् ख्वपया ‘कलाली लोक प्याखं’ प्रस्तुत । २०२० सालय् ख्वपय् ‘कला सदन’ नीस्वनाः क्लासिक लोकप्याखंया संवद्र्धनय् सक्रिय ।
२०२३-२०२४ : नेपाली भाय्या पौराणिक नाटक ‘जालन्धर’ राष्ट्रिय नाचघर व नारायणघाटय् प्रदर्शन । ‘हाछिउँ मैयाँया विवाह’ प्रहसन मञ्चन ।
२०२९-२०३३ : मुनासःया ख्यालः कासाय् ‘१२ बजे’ ख्यालः क्यनाः उत्कृष्ट स्थान व लगातार प्यदँ तक उच्च स्थान हासिल ।
२०३२-२०३५ : ‘बःजुया लिलाम’ व ‘स्वर्ग व नरक’ हास्य व्यंग्य नाटक राष्ट्रिय सभागृहय् मञ्चन । २०३४ सालय् ‘खा हाल’ छधाः प्याखं उत्कृष्ट सिरपाः । २०२५ सालय् प्रज्ञा प्रतिष्ठानया गाइजात्रा महोत्सवय् नेपाली रुपान्तरण ‘१२ बजे’ प्रदर्शन यानाः उत्कृष्ट स्थान ।
प्रसहन, संझ्याः व आधुनिक रंगमञ्च
२०३६- ०४० : ‘वल वल’, ‘तन्त्र ट्याब्लेट’ प्रज्ञा प्रतिष्ठानया गाइजात्रा महोत्सवय् उत्कृष्ट । ‘पुनकुमार न्हिसुतु’ व ‘प्वाः’ प्रहसनत राष्ट्रिय सभागृहय् मञ्चन । २०३९–४० सालय् ‘दानी विसन्तर’ पौराणिक नाटक प्रज्ञा प्रतिष्ठानया दबुलिइ मञ्चन ।
२०४१-२०४३ स् ‘सिलु’ चित्रकथा लेखन व नांजाःगु ऐतिहासिक संकिपा ‘राजमति’या स्क्रिप्ट लेखन । ‘भजगोविन्द’ हास्य व्यंग्य धारावाहिक इनाप पत्रिकाय् प्रकाशन ।
२०४५ (मह सञ्चार) : नेपाःया लोकंह्वाःपिं कलाकार जोडी मदनकृष्ण श्रेष्ठ व हरिवंश आचार्य ९मह सञ्चार०या टेलिप्याखं ‘१५ गते’य् चौधरी ९थारु०या भूमिका व ‘लक्ष्मी’ टेलिप्याखनय् बैंक मेनेजरया भूमिका निर्वाह यानाः जनमानसय् लोकप्रिय जुल ।
२०४६ ‘क्षेफः परिवार’ : टेलिप्याखं निर्माण संस्था नीस्वनाः ‘यःबाः जितः नं काः वा’ भिडियो संकिपा निर्माण शुरु यानादिल ९छुं कारणं पूमवन० । पब्लिक युथ क्याम्पसया संझ्याः साहित्य पाःलाःया नाटक धेंधेंबल्लाः कासाय् वय्कःया ‘भजगोविन्द’, ‘खुँयात ज्वों ज्वों’ व ‘वाचिंगःथाय् चुलु’ नांया स्वंगू नाटकमध्ये स्वंगुलिं हे थीथी दँय् सर्वोत्कृष्ट स्थान हासिल यायेत सफल ।
मुनासः व रामशेखर
१०९४ – १२ बजे – न्हाप
१०९५ – बःजूया लिलाम( हःपाः व बांलाःम्ह प्याखंम्वः – आशाकाजी थकू
१०९६ – रानीपुखू – न्हाप लिउ, हाछिका मैंया – हःपाः
१०९७ – खेल खत्तम – हःपाः
११०० – लाता ( न्हाप । बांलाःम्ह प्याखं म्वः – कृष्ण नापित (लाता)
थुकथं रामशेखरया ल्हातं पिज्वःगु न्हय्पु ख्यालः मुनासःया ख्यालः कासाय् ब्वति काःगु जुल, बांलाःम्ह प्याखंम्वः आशाकाजी थकू व कृष्ण नापितं निक्वःतक त्याकूगु जुल ।
थम्हं हे च्वयाः थम्हं निर्देशन यानादीगु नेपाल टेलिभिजनय् दकलय् न्हापां नेपालभाषां प्रशारण जूगु संकिपा ‘१२ बजे’ खः ।
सामाजिक व संस्थागत आवद्धता
रामशेखर नकःमि केवल छम्ह कलाकार व च्वमि जक मखु, वय्कः छम्ह कुशल नेतृत्वकर्ता व सामाजिक कार्यकर्ता नं खः । वय्कलं थःगु जीवनय् थीथी संघसंस्थाय् च्वनाः सेवा यानादीगु दु :
युवक पुस्तकालय ९२०११–२०१३० छ्याञ्जे, नृत्यकला मन्दिर भ।पु ९२०१२–२०१८० छ्याञ्जे, ९२०१९० नायः, कला सदन ९२०१९–२०२५० कार्यकारी दुजः, ख्यालः पुचः ९२०२९–२०३५० सल्लाहकार व क्षेफः परिवार ९२०४६ निसें० नायः ।
रामशेखरया ख्यालः ब्वज्या
नाट्यकर्मी समाज नेपालया ग्वसालय् २०८३ साउन ९ निसें १९ गतेतक रामशेखर नकःमिया झिंछपु ख्यालः ‘खेल खत्तम’ निसें ‘सिमात फफ स्वः’ तक ख्वपया आस्था थिएटरय् मञ्चन जुुयाच्वंगु दु ।
रामशेखर नकःमि नेपाःया छम्ह ज्वःमदुम्ह स्रष्टा खः । अभिनय ख्यः जुइमा वा लेखन ख्यः, वय्कलं थःगु जीवन कला, संस्कृति व भाषा उत्थानय् समर्पित यानादिल । ख्यालः व प्रहसनयात समाज रुपान्तरणया माध्यम दयेकाः वय्कलं यानादीगु योगदान व ‘नसंफाःगु चा’ थेंज्याःगु कालजयी उपन्यासयात नेपालभाषा साहित्यं अझं तसकं गौरवकथं लुमंकाच्वनी । वय्कः नेपाः, नेवाः रंगमञ्च व भाषा ख्यःया अजर अमर व्यक्तित्व खः ।
LEAVE YOUR COMMENTS