झिंन्यागू परियोजनाय् लगानीया घोषणा

येँ – अन्तर्राष्ट्रिय लगानी सम्मेलनय् थीथी झिंन्यागू परियोजनाय् लगानी मुंकेगु सम्बन्धय् समझदारी जूगु दु । छुं छुं परियोजना मंकाः लगानीइ निर्माण जुइगु जूसा समझदारीपत्रय् हस्ताक्षर जूगु दु । थ्वहे झ्वलय् दकलय् न्हापांगु मंकाः सम्झौता चौधरी गु्रप व सर्राफ गु्रप दथुइ जुल ।थ्व समझदारीपत्रय् चौधरी गु्रपया प्रबन्ध निर्देशक निर्वाण चौधरी व सर्राफ गु्रपया कार्यकारी निर्देशक सलाह सर्राफ दथुइ हस्ताक्षर जूगु खः ।

नेपालय् ६०० मेगावाट क्षमताया सौर्य ऊर्जा उत्पादनया निंतिं चौधरी व स्काइ पावर दथुइ समझदारी जूगु खः । उगु समझदारीइ चौधरी गु्रपया प्रबन्ध निर्देशक निर्वाण चौधरी व स्काइ पावरया प्रमुख कार्यकारी अधिकृत केरी एल्डर दथुइ सम्झौतापत्रय् हस्ताक्षर जूगु खः ।सिजी लाइफ व टर्किया मुख्यालय दुगु मोबाइल सेवा प्रदायक कम्पनी टुर्क सेल दथुइ न्यागूगु पुस्ताया मोबाइल नेटवर्क नेपालय् विस्तार यायेगु कथं समझदारी जूगु खः ।

थ्व समझदारीइ सिजी गु्रप ग्लोबलया प्रबन्धक निर्देशक निर्वाण चौधरी व टर्क सेलया व्यापार प्रमुख एनसिजेट मुराट इर्किनीं हस्ताक्षर याःगु खः ।प्रदेश नं. २ या सौर्य ऊर्जा प्रणाली जडान यायेगु निंतिं मुख्यमन्त्री लालबाबु राउत व सिजी इन्फ्रास्ट्रक्चरया प्रबन्ध निर्देशक निर्वाण चौधरीं हस्ताक्षर यानादीगु खः ।

मुक्कं ९०० मेगावाट क्षमताया अरुणा तेस्रो जलविद्युत आयोजनाया वित्तीय व्यवस्थापन सम्बन्धी सम्झौताय् प्रवद्र्धक सतलज विद्युत निगमया अध्यक्ष सतिशकुमार शर्मा व स्टेट बैंक अफ इन्डियाया सहायक प्रबन्धक सरोती विनोदकुमार, एभरेस्ट बैंकया नायब महाप्रबन्धक गिरिश कोइली व नबिल बैंकया प्रमुख कार्यकारी अधिकृत अनिल केशरी साहं संयुक्त रुपय् हस्ताक्षर याःगु खः ।

उगु आयोजनाय् स्टेट बैंक अफ इण्डियां ६ हजार ५६० करोड, एभरेस्ट बैंकं ८१२.६१ करोड व नबिल बैंकया रु ४८७.५८ करोड लगानी याःगु खः । कूल १६४ मेगावाट क्षमताया कालीगण्डकी गर्ज जलविद्युत आयोजना निर्माण यायेत हाइड्रो सोलुसन गु्रप व हुनान सिन्ह्वा वाटर कन्जरभेसन हाइड्रोपावर दथुइ सम्झौता जूगु खः । उगु सम्झौताय् हाइड्रो सोलुसनया अध्यक्ष ज्ञानेन्द्रलाल प्रधान व हुनान सिन्हवाया अन्तर्राष्ट्रिय व्यापार प्रमुख झु झेन्ज छेनं हस्ताक्षर यानादीगु खः ।

लगानी बोर्ड नेपाल व अन्तर्राष्ट्रिय मुद्रा कोष –आइएमएफ) दथुइ सिमराय् विशेष आर्थिक क्षेत्र निर्माण सम्बन्धी समझदारी जुल । सार्वजनि कनिजी साझेदारी –पिपिपी) मोडलय् निर्माण यायेगु समझदारी जूगु खm । थ्व समझदारीपत्रय् नेपाःपाखें लगानी बोर्डया प्रमुख कार्यकारी अधिकृत महाप्रसाद अधिकारी व विशेष आर्थिक क्षेत्र (सिमरा)या प्रमुख कार्यकारी अधिकृत चण्डिका भट्ट व आएमएफया नेपाल, भूटान व बंगलादेश स्वइगु क्षेत्रीय व्यवस्थापक वेण्डी विमर व वरिष्ठ लगानी अधिकृत पंकज सिन्हां हस्ताक्षर यानादीगु खः ।

बनेपा हिमालय बुटिक भिलेज रिसोर्ट प्रा.लि दयेकेत उगु कम्पनीया कार्यकारी अध्यक्ष ज्ञानेन्द्रलाल प्रधान व सिन्सियर कन्सल्टिङ प्रा.लिया प्रबन्ध निर्देशक एड्डी सियादथुइ नं हस्ताक्षर जुल । अथेहे गैरआवासीय नेपाली संघ (एनआरएनएं) १० अर्ब बराबरीया लगानी यायेगु समझदारीपत्रय् एनआरएनया अध्यक्ष भवन भट्ट व उद्योग विभागया महानिर्देशक विनोद प्रकाश सिंह दथुइ समझदारी जूगु दु । उगु ध्यबा पूर्वाधार विकासय् खर्च यायेगु खँ एनआरएनं धाःगु दु ।

नेशनल कोल्याटरल म्यानेजमेन्ट व नेपाल वेयर हाउस कम्पनी लिमिटेड दथुइ हरित भण्डारगृह निर्माण यायेगु सम्बन्धी समझदारीइ कम्पनीया प्रबन्ध निर्देशक आनन्दा बगिरा व केल्याटरल म्यानेजमेन्टया उपप्रमुख कार्यकारी अधिकृत अनुपम कौशिक दथुइ हस्ताक्षर जुल । पूर्वाधार विकास सहकार्यया लागि नेपाल निर्माण व्यवसायी महासंघ व म्यान्माया लाइसेन्स कन्ट्रयाक्टर एशोसियसन (एमएलसिए) दथुइ समझदारी जूगु खः ।

महासंघया अध्यक्ष रवी सिंह व एमएलसिएया अध्यक्ष उक्या विनं थ्व समझदारीइ हस्ताक्षर यानादीगु खः । अथेहे २१६ मेगावाट क्षमताया माथिल्लो त्रिशुली थ्री ए जलविद्युत आयोजना दयेकेगु निंतिं कोरियाली प्रवद्र्धक कोसेपं ६५० मिलियन डलर बराबरया लगानी प्रतिबद्धता प्वंकूगु दु । वइगु असोजय् आयोजना दयेकेगु कथं कोसेपया उपाध्यक्ष हाक विक किमं धयादिल ।

भारतया मुथोड फाइनानसं युनाइटेड फाइनान्स लिमिटेडयात ३९ करोड ९० लाख लगानी यायेगु घोषणा याःगु दु । थ्व सम्बन्धी घोषणाय् नेपाःया निंतिं मुथोड गु्रपया निर्देशक अनिल कार्कीं जानकारी बियादिल । लगानी बोर्ड नेपाल व दक्षिण अफ्रिकाया लगानी बोर्ड दथुइ ग्वाहालि आदानप्रदान सम्बन्धी सम्झौतापत्रय् बोर्डया प्रमुख कार्यकारि अधिकृत अधिकारी व दक्षिण अफ्रिका लगानी बोर्डया निंतिं प्रमुख युनुश हुसैनं हस्ताक्षर यानादीगु खः ।

अपी पावर कम्पनी नेपाल व कँडेल गु्रप अफ कम्पनी युके दथुइ १८ मेगावाट क्षमताया सौर्य परियोजना, ९८ मेगावाटया जलविद्युत परियोजना व १० मेगावाट क्षमताया वायु ऊर्जा उत्पादन सम्बन्धी सम्झौतापत्रय् हस्ताक्षर जूगु खः । उगु सम्झौताय् अपी पावरया अध्यक्ष गुरुप्रसाद न्यौपाने व कडेल गु्रपया अध्यक्ष राजेन कँडेलं हस्ताक्षर यानादीगु खः । अथेहे डोल्मो हिमालय इनर्जीं नं लगानीया घोषणा याःगु दु ।

सम्बन्धित बुखँ

LEAVE YOUR COMMENTS