८० तका वंगु स्यानिटाइजरया ३०० तका

येँ – महानगरीय प्रहरी वृत्त जनसेवां येँया मखंगल्लिया कुलुचोकय् स्यानेटाइजरया हाकु बन्जाः याःगु द्वपनय् छम्ह व्यापारीयात ज्वंगु दु । छगःया ८० तका वंगु स्यानेटाइजर उम्ह व्यापारीं ३०० तकां मिउगुलिं प्रहरीं रुपक रौनियारयात ज्वंगु खः । प्रहरीं रौनियारपाखें १५०० गः यनिकेयर स्यानेटाइजर बरामद याःगु खँ २४ वडाया दुजः बिनोद तुलाधरं कनादिल । रौनियारयात आः कालोबजारी ऐन कथं कारबाही यायेगु खँ धाःगु दु । येँ थ्व स्वयां न्ह्यः हाकु बजाः यानाः मीत हयातःगु गुुंगू लाख सर्जिकल मास्क बरामद याःगु खः ।