दीपिकाया स्यंगु ख्वाःया तारिफ

बलिउडया सुन्दरी अभिनेत्री कथं नांजाःम्ह दीपिका पादुकोणं थःगु न्हूगु फिल्म ‘छपाक’या फस्र्ट लुक सामाजिक सञ्जालपाखें पित बिल । फिल्मया पोस्टरय् सुन्दर अभिनेत्री दीपिकाया ख्वाः स्यंकातःगु दु । एसिड पीडित मिसाया बाखनय् दयेकाच्वंगु फिल्म जूगुलिं दीपिकाया ख्वाःयात एसिडं स्यंकातःगु क्यनातःगु खः ।

तसकं बांलाःम्ह दीपिकाया ख्वाः स्यंगु पोस्टर वःसां सामाजिक सञ्जालय् धाःसा थुकिया तसकं तारिफ जुयाच्वंगु दु । भारतय् ट्विटरय् थ्व फोटो निगूगु नम्बरय् ट्रेन्ड जुयाच्वंगु दु । थ्व फिल्मयात कयाः यक्वसिनं फिल्मया निर्देशिका मेघना गुलजारयात नं बधाइ बियाच्वंगु दु ।
थ्व फिल्मय् दीपिकां एसिड आक्रमणय् पीडित मिसा ‘मालती’या भूमिका म्हिताच्वंगु दु ।

सामाजिक सञ्जालय् थ्व फिल्मं एसिड आक्रमण याइपिं आसामजिक तत्वतय् बारे उजगार याइगु आशा यक्वसिनं यानाच्वंगु दु । थुकियालिसें दीपिकां थज्याःगु चुनौतीपूर्ण भूमिका म्हितूगुलिं वयागु साहसयात सलाम धकाः धयाहयाच्वंपिं नं दु ।यक्वसिनं दीपिकाया थ्व स्यंगु ख्वाःपां धाथेंया ख्वाःपाः स्वयां नं बांलाःगु प्रतिक्रिया नं बियाच्वंगु दु ।

सम्बन्धित बुखँ

LEAVE YOUR COMMENTS