अनुष्काया भूमिका छु ?

हिन्दी संकिपा उद्योगय् बायोपिक संकिपा निर्माण यायेगु झ्वलय् बलिउडया ‘खलनायक’ नायक संजय दत्तया बायोपिकय् ‘सन्जु’नांया संकिपा निर्माण जूवनाच्वंगु दु । गुगु संकिपाय् संजय दत्ताया भूमिकाय् नायक रणवीर कपुरयात स्वये खनीगु पक्का पक्की जुइधुंकूगु दु ।

रणवीर कपुरया अभिनया दइगु थुगु संकिपा फिल्म प्रदर्शनय् वयेगु ला खँ हे त्वःतादिसँ शुटिंग शुरु जुइ न्ह्यः हे हिट संकिपाया धलखय् दुथ्यायेधुंकूगु दु । थ्व हे झ्वलय् संकिपा सन्जुया पोष्टर सार्वजनिक जूगु दु । गुगु पोष्टर इन्टरनेटय् थौंकन्हय् चर्चा वयाच्वंगु दु ।

सार्वजनिक जूगु सन्जु संकिपाया पोष्टरया न्ह्यःने बलिउडया छम्ह चर्चित नायिका दु । व नायिका खः अनुष्का शर्मा । पोष्टरय् अनुष्कायात प्राथमिकता बियातःगु खने दुसां संकिपाय् वयागु भूमिका छु खः अले वयात गज्याःगु भूमिकाय् स्वये खनी धइगु अनुमान यायेत थाकुया च्वंगु दु । संकिपाय् अनुष्काया भूमिका बारे छुं स्पष्ट यानातःगु मदुनि ।

तर संकिपाया पोष्टरय् खने दुकथं अनुष्काया ‘लुक्स’ धाःसा गाक्कं फरक खनेदु । वयागु सँया स्टाइल कुलिकुलि चिं । अथे हे मिखा नं भुइसे च्वनाः वँचुसे खने दु । वयागु थ्व न्हूगु लुक्सं स्वकुमिपिनिगु दथुइ गाक्कं उत्सुकता ब्वलंका बिउगु दु ।

पोष्टया लिउने संजय दत्तया अवतारय् खने दयेकः वयेत्यंम्ह रणवीर कपुर दुसा पोष्टरयाट ट्विट यासें निर्देशक राजकुमार हिरानीं च्वःगु दु, ‘विशेष भूमिका दु । छु सुनां विचाः याये फु ला कि वं सुयागु भूमिकाय् म्हिताच्वंगु दु ?’