पारिश्रमिक अप्वल

इहिपा न्ह्यः याये न्ह्यःतक बलिउड नायिका करिना कपुरया छगू क्रेज दयाच्वंगु खःसा इहिपा लिपा छक्वलं स्वात्त हे कुहां वल । अझ प्वाथय् दयेधुंकाः वयाःगु फिल्मी करिअर हे सिधल धइगु तकं विश्लेषण यायेगु शुरु जूगु खः । छाय्कि मचा दयेधुंकल कि वयागु सुसाःकुसाः यायेगुलिइ हे मिसातय्सं अप्वः ई बीमाली ।

तर करिनाया हकय् धाःसा थ्व खँ लागू मजुल । मचा बूसां ताः ईतक आराम कयामच्वंसे थःगु म्हया तौल क्वकयाः हाकनं शुटिंगय् लिहां वःगु खः । उलि जक नं मखु वं थःगु पुलांगु गति व लय ज्वनेगु नं शुरु याना हःगु दु ।

मां जुइधुंकाः करिनां म्हितूगु न्हापांगु फिल्म ‘वीरे द वेडिङ’ खः । थ्व फिल्मय् म्हितेत करिनां गाक्कं पारिश्रमिक नं काःगु खःसा फिल्म हिट नं जुल अले उकिया श्रेय नं करिनायात हे वन । थुगु फिल्मया सफलता लिपा करिनां आः थःगु पारिश्रमिक नं अप्वयेकूगु दु ।