इथियोपियाय् विमान दुर्घटना

इथियोपियाया आदिस अबाबां कन्याया नैरोबीया निंतिं ब्वःगु इथियोपियन एयरलाइन्सया बोङङ्ग ७३७ विमान दुर्घटनाय् लाःगु दु । एयरलाइन्सया कथं थ्व विमानय् १४९ म्ह यात्रु व चालक दलया च्याम्ह दुजःपिं दु । एयरलाइन्सया कथं विमानय् ३३ गू थीथी देय्या नागरिकत दुगु खः ।

ब्वःगु खुगू मिनेट लिपा हे स्थानीय ई कथं आइतवाः ५ः४४ मिनेटय् विमान दुर्घटना जूगु खः । दुर्घटना छु कारणं जूगु सीमदुनि ।
छम्ह प्रत्यक्षदर्शीं बिबिसीयात धाःकथं विमान कुतुंवःबलय् मि च्यानाः कुतुंवःगु खः । वं धाःगु दु, ‘विस्फोटया सः व मि थुलि तच्वः कि जि न्ह्यःने वनेगु आँट हे यायेमफुत ।’

दुर्घटनाय् लाःपिं यात्रुतय् अवस्था छु दु धयागु बारे एयरलाइन्सं छुं धाःगु मदुनि । थ्वयां न्ह्यव एयरलाइन्सं छगू विज्ञप्ति जारी यासें दुर्घटनास्थलय् एयरलाइन्सया कर्मचारीत छ्वयेगु व आपतकालीन सहायताया निंतिं सम्भव दुगु फुक्कं ज्या यायेगु खँ धाःगु खः ।
दुर्घटना लिपा इथियोपियाया प्रधानमन्त्री अबी अहमदं छगू ट्विट यासें दुर्घटनाय् लानाः सीपिनि छेँजःप्रति बिचाः हायेकूगु दु ।

सम्बन्धित बुखँ

LEAVE YOUR COMMENTS