मुकेशयात उपचार खर्च मबीगु सरकारी निर्णय खःला ?
वंगु माघ १६ गते देय्न्यंकं थीथी ज्याझ्वः यासें शहीद दिवस हनेगु ज्या जुल । देय्या शासन व्यवस्था परिवर्तनया निंतिं थःगु प्राण आहुति बिउपिं महान शहीदया लुमन्तिइ थुकथं दँय्दसं माघ १६ गते शहीद दिवस हनेगु याना वयाच्वंगु खः । देय्न्यंकं शहीद दिवस हनाच्वंगु हे न्हिकुन्हु उखे २०६२÷०६३ या जनआन्दोलनय् घाःपाः जूम्ह भ्वतया मुकेश कायस्थ धाःसा आतक नं लासाय् लानाच्वंगु दु ।
वय्कः २०६२ चैत २७ गते भ्वतय् गोलीं लानाः घाःपाः जुयादीगु खः । मुकेशयात वासः यायेगु झ्वलय् आतकया दुने स्वक्वःतक शल्यक्रिय याये धुंकूगु दु । तर स्वक्वःतक शल्यक्रिया याःसा मुकेशया स्वास्थ्यय् छुं सुधार जूगु मदुसा वय्कःया अवस्था लिपांगु इलय् झन जटिल जुजुं वनाच्वंगु वय्कःया मां मिरा कायस्थं कनादिल ।
न्हापाया तुलनाय् उपचार यानाः सुधार जुया वयाच्वंगु खःसां आः वयाः नशाया कारणं तिल्वय् वयेथें ज्याःगु लक्षण खने दया वःगु दु । न्हापा थें नवायेत वा खँ ल्हायेत स्वयेगु व ल्हाःतुति संकेगु थेंज्याःगु क्रियाकलापतकं याःगु खने मदुगु वय्कलं धयादिल । वंगु असार १ गतेनिसें उकथंया लक्षण खने दया वयेवं मुकेशयात शुरुइ भ्वतया हे शिर मेमोरियल अस्पतालय् यंकूगु खःसा अनं बाःछि लिपा नशाया वासः यायेत धासें ट्रमा सेन्टरय् बाःछितक तयाः वासः याकूगु खः ।
अन नं छ्यंया शल्यक्रिया यायेमाः धायेवं शल्यक्रिया मयासे छेँय् हे हयाः तयागु छेँजःपिंसं न्ह्यथंगु दु । छेँय् तयां नं सुधार मजुइवं हाकनं येँया मेडिसिटी अस्पतालय् वासः याकेत यंकूगु खःसा अन चिकित्सकया सल्लाहकथंछ्यनय् मुनाच्वंगु लः लिकायेमाः धायेवं वंगु मंसिर १३ गते शल्यक्रिया यानाः लः लिकयागु मां मिरां कनादिल ।
मेडिसिटी अस्पतालय् वासः याकेत यंकूगु खःसा अन चिकित्सकया सल्लाहकथं छ्यनय् मुनाच्वंगु लः लिकायेमाः धायेवं वंगु मंसिर १३ गते शल्यक्रिया यानाः लः लिकयागु मां मिरां कनादिल । ‘शल्यक्रिया यायेधुंकाः नं खास हे सुधार जूगु खने दयाच्वंगु मदु’, वय्कलं धयादिल ।
‘शल्यक्रिया यायेधुंकाः नं खास हे सुधार जूगु खने दयाच्वंगु मदु’, वय्कलं धयादिल, ‘लिपा हाकनं निमोनिया जुइवं गःपतय् प्वाः खनाः कफ लिकयाः थप उपचार यानाच्वनागु जूसां नं पूर्ण रुपं लंगु धाःसा मदुनि ।’आतक नं उपचारया दक्वं खर्च सरकारं हे व्यहोरे याना वयाच्वंगु खःसां नं मेडिसिटी अस्पतालय् वासः याकूगु बखतया खर्च धाःसा स्वास्थ्य मन्त्रालयया सचिवं थ्व अन्तिम पटक खः, आः फइमखु धासें उपचार खर्च बिउगु कनादिल ।
सरकारया निर्णय थुलि याकनं हिली ला ? वय्कलं न्ह्यसः तसें धयादिल, ‘सरकारं याःगु निर्णय थुलि याकनं हिलीगु खः धइगु जूसा गुकथं धाये फइ शहीदया म्हगस साकार याइ अले इमिगु सम्मान जुइ धकाः ?’ ‘मुकेशयात भत्ता अप्वयेका बिउ धकाः धयागु मदु, उपचार जक बांलाक याना बियादिसँ, आः सरकारं मुकेशया नामं पुनःस्थापना केन्द्र (अस्पताल) चायेकेमाः’, वय्कलं धयादिल, ‘आतक जिपिं सक्षम जू, मांअबुं हे वासः याका वयाच्वनागु दु, कन्हय् जिपिं म्हं मफुत धाःसा सुनां उपचार याना बी, उकिं वय्कः थेंज्याःपिं घाःपाः जूपिंत वासः याकेत सरकारं अस्पताल चायेका बीमाः ।’
प्रधानमन्त्रीनिसें थीथी पार्टीया नेतातकं वयाः मुकेशयात संसारया न्ह्यागु हे थासय् यंकाः जूसां नं वासः यायेत लगे जुइगु खर्च व्यहोरे यायेगु व ‘म्वानाच्वंम्ह शहीद’ घोषणा यायेगु धकाः धाःसां नं आतक नं मन्त्रिपरिषदं उकिया निर्णय मयाःगु व लिपांगु इलय् वासः यायेत लगे जुइगु खर्च बिया वयाच्वंगुलिइ उकियात नं व्यहारे यायेत आलटाल यानाच्वंगुलिं देशय् शासन व्यवस्थाय् हिउपाः हयेत ज्यानया आहुति बिउपिं शहीद व वया छेँजःपिनिगु योगदानया अवमूल्यन जूगु छेँजःपिनिगु धापू दु ।
LEAVE YOUR COMMENTS