बोडेया नीलबाराही गण प्याखं पिदन

बोडे – बोडेया नीलबाराही गण प्याखं शनिवाः चान्हसिया १२ ताः निसें पिदन । ऐतिहासिक कालं निसें मदिक न्ह्यानाच्वंगु थुगु गण प्याखं दँय्दसंं गुंलागा दुतियांनिसें पंचमि तक पिदनीगु थुगु गण प्याखं कन्हय् मंगलवाः क्वचाइ । प्याखंं बोडेया लाछित्वाः, लायकू, बिष्णुघाट, भागु त्वाः, खांसी त्वाः जुयाः लाछित्वालय् च्वंगु गणया द्यःछेँं वयाः क्वचाइ ।

थुगु प्याखनय् भैलः छम्ह, बाराही प्यम्ह, कुमारी प्यम्हः, सिंह प्यम्ह, द्वारपाल निम्ह, अले गणेद्यः प्यम्ह यानाः मुक्कं १९ द्यःत दु । तान्त्रिक विधि विधान कथं ख्वाःपाः पुइवं द्यः जूपिं छेँय् लिहां मवंतले छुं नं नये मजिउ, सुयातं न्ववाये मजिउ , वा वःसां कुसां कुइ मजिउ, मनूतय्के म्वलय् आसन कायेगु बाहेक गनं फ्यतुइ मजिउ । थुगु प्याखनय् गुरुपिं यानाः ८९ म्ह मनूत सरिक जुइमाः ।