कमोडय् सर्पं न्यात

अष्ट्रेलियाय् छम्ह मिसायात झारा च्वनेत्यंगु इलय् कमोडय् सुलाच्वंम्ह सर्पं न्यानाबिउगु दु । मिसायात न्याम्ह सर्प विषालुम्ह मखुलिं उम्ह मिसायात छुं मजूगु खँ धाःगु दु । हेलेन रिचर्डस नांया ५९ दँया उम्ह मिसां ब्रिस्बेनय् च्वनाच्वंम्ह छम्ह थःथितिया छेँय् च्वंगु चःबिइ वंगु इलय् सर्पं न्याःगु खः । मिसाया प्यनय् कार्पेट पाइथन जातया न्यागू फुट ताःहाकःम्ह सर्पं न्याःगु खः ।

उम्ह मिसां सञ्चारकर्मीतलिसे खँ ल्हासें धाःगु दु, ‘कमोडय् फ्यतुइवं च्वास्स सूगु थें अनुभव जुल, दनाः स्वयाबलय् कमोड दुनेया लखय् ताःहाकःगु गःपः दुम्ह काउले थें च्वंम्ह छम्ह जीव खन ।’कमोडय् सर्प सुलाच्वंगु खनेवं सर्पविज्ञत सःताः लिकायेकूगु खः ।

सर्प ज्वंवःम्ह सर्पविज्ञया कथं गर्मी मौसमय् लः मुनाच्वनीगु कमोडय् सर्प सुलाच्वनीगु सामान्य जूगु खँ धाःगु दु ।अष्ट्रेलियाय् थौंकन्हय् तसकं तांन्वयाच्वंगुलिं सरकारं हे सर्वसाधारणयात आवश्यक ज्याय् बाहेक छेँय् नं पिहां मवयेत इनाप यायेधुंकूगु दु ।

सम्बन्धित बुखँ

LEAVE YOUR COMMENTS