चीनं अमेरिकायात प्रविधि खुयाकाःगु बारे प्रमाण बीत हाथ्या

चिनिया व ताइवानी कम्पनीतय्सं अमेरिकी प्रविधि खुयाकाःगु धकाः वाशिंगटनं बिउगु द्वपयात पुष्टि जुइकथं प्रमाण बीत बेइजिङ्गं अमेरिकायात चुनौति बिउगु दु । अमेरिकी महान्यायाधिवक्ता जेफ सेसन्सं चिनियाँ कम्पनीतय्सं अमेरिकी कम्पनीतलिसे व्यापारिक सहकार्य यायेगु झ्वलय् थ्यंमथ्यं च्यागू अर्ब ७५ करोड अमेरिकी डलर बराबरया प्रविधि खुयाकाःगु द्वपं बिउगु खः ।

अमेरिकी न्यायिक विभागं बिहिवाः चिनिया राज्यपाखें संचालित फुजियन जिन्ह्वा इन्टिग्रेटेड सर्किट कम्पनी व ताइवानी युनाइटेड माइक्रो इलेक्ट्रोनिक्स कर्पोरेशन (युएमसी) लिसें युएमसीया स्वम्ह कर्मचारी विरुद्ध चोरी सम्बन्धी फौजदारी द्वपं बिउगु खः ।

विभागं अमेरिकी माइक्रोन कम्पनीया चिचिधंगु पार्टपूर्जाया नमूनायात फुजियात जिन्ह्वा कम्पनीं कपी यानाः विश्व कम्प्यूटर बजारय् कम्प्यूटरया पार्टपूर्जाया प्रमुख आपूर्तिकर्ता जूगु दावी याःगु खः ।

‘यदि अमेरिकी पक्ष प्रविधि चोरी जूगु प्रति धाथें चिन्तित खःसा उमिसं स्पष्ट तथ्य न्ह्यब्वयेमाः व वास्तविकता न्ह्यथनेमाः’ चिनिया विदेश मन्त्रालयया प्रवक्ता लु काङं धयादीगु दु । अमेरिकां ताः ई न्ह्यवनिसें चीनं अमेरिकी प्रविधि खुया कयाः अर्थतन्त्र बल्लाकाच्वंगु द्वपं बिइगु याना वयाच्वंगु दु ।

 

सम्बन्धित बुखँ

LEAVE YOUR COMMENTS