म्यानचेस्टर त्यात रियलया खराब प्रदर्शन जारी

इंग्लिस प्रिमियर लिगय् म्यानचेष्टर युनाइटेडं न्युक्यासलयात बुकूगु दु । निगू गोलं लिउने लानाच्वगु युनाइटेडं न्युक्यासलयात ३–२ गोलं बुकूगु खः । युनाइटेडया घरेलु मैदानय् जूगु कासाय् न्युक्यासलं१० मिनेट दुने हे २–० गोलं अग्रता काःगु खः । न्युक्यासलया लागि कासाया ७ औं मिनेटय् केनेडी व १० औं मिनेटय् योशीनोरीं गोल याःगु खः ।

निगू गोलं न्ह्यःने लानाच्वंगु न्युक्यासलं अन्तिम २० मिनेटय् स्वंगू गोल नःगु खः । निगुगू हाफय् म्यानचेष्टर युनाइटेड उत्कृष्ट कासा म्हितुसें ७० औं मिनेटय् हुवान माटा म्यानचेस्टया निंतिं न्हापांगु गोल याःगु खः । माटां गोल याःगु खुगू मिनेट लिपा हे मार्सियलं बराबरी गोल यातसा अन्तिम मिनेटय् सान्चेजं विजयी गोल यानाबिउगु खः ।

म्हिगः हे जूगु मेगु कासाय् कार्डिफ सिटीयात १–० गोलं बुकाः टोटनह्याम लिगया ल्याः धलखय् स्वंगूगु थासय् थहांवःगु दु ।मेखे ला लिगाय् धाःसा रियल म्याड्रिडया खराब प्रदर्शन जारी हे जुयाच्वंगु दु । म्हिगः जूगु कासाय् रियल अलाभेसपाखें १–० गोलं बुत ।

निगूगु हाफया इन्जुरी इलय् मनु ग्रासियां अलाभेसया निंतिं छगू जक गोल याःगु खः । खराब कासा म्हिताच्वंगु रियल लिपांगु प्यंगू कासा मध्ये स्वंगुलि पराजित जूगु दुसा छगू बराबरी म्हितूगु खः । रियलं प्यंगुलिं कासाय् गोल नं याये फुगु मदु ।