नेपाः अभ्यास कासाय् त्यात

युरोप भ्रमणय् वनाच्वंगु नेपाली क्रिकेट टिमं स्वंगूगु अभ्यास कासा त्याकूगु दु । इस्ट लन्डन ११ लिसे जूगु कासाय् नेपा २२३ रनं त्याःगु खः ।
न्हापा ब्याटिङ यासें नेपालं ३३९ रनया लक्ष्य बिउगु खःसा लिसलय् इस्ट लन्डनं ११५ रन जक दयेकेत ताःलाःगु खः ।

कासाय् शक्ति गौचनं प्यंगू, करण केसी व ललित राजवंशीं निगू निगू विकेट काःगु खःसा सोमपाल कामि व दिपेन्द्र सिंह ऐरीं छगू छगू विकेट काःगु खः । अथेहे ब्याटिङ पाखें नेपाःया अनिलकुमार शाहं शतक थ्वाःगु खः । अनिलया १३१ रनया ग्वाहालिं नेपालं ५० ओभरय् ३३८ रन दयेकूगु खः ।

सम्बन्धित बुखँ

LEAVE YOUR COMMENTS