स्वयेबहपिं कासामि

थिबाउट कोर्टियस,
गोलकिपर, बेल्जियम

चेल्सीया गोलकिपर थिबाउट कोर्टियस कम उमेरय् हे बेल्जियम टिमय् दुथ्याःम्ह कासामि खः । सन् २०११ य् बेल्जियम टिमय् डेब्यु याःम्ह कोर्टियस दकलय् क्वकालिम्ह गोलकिपर जूगु खः । कोर्टियसया मांअबु निम्हं भलिबल कासामि खः । वया तता नं भलिबलया हे कासामि खःसा कोर्टियसं धाःसा भलिबल त्वःताः फुटबल म्हितगुपाखे ध्यान तल ।

कोर्टियस थःगु पुलांगु क्लब एथलेटिको म्याड्रिडयात लिग च्याम्पियन दयेकूगु दुसा चेल्सीयात नं प्रिमियर लिग च्याम्पियन दयेकूगु दु ।
नकतिनि २६ दँ थ्यंम्ह कोटियर्सं बेल्जियमपाखें ६२ गू कासा म्हितेधुंकल । सन् २०१४ या विश्वकप व सन् २०१६ या युरोकपय् नं कोर्टियस म्हितूगु खः । ब्राजिलय् जूगु विश्वकपय् कोर्टियस बेल्जियमयात क्वाटरफाइनल तक थ्यंकूगु खः ।

सम्बन्धित बुखँ

LEAVE YOUR COMMENTS