जिम्न्याष्टिक च्याम्पियनसिपय् ब्वति कायेत १२ म्ह कासामि ढाका वन

येँ – न्याक्वगु बंगबन्धु सेन्ट्रल साउथ एसियन आर्टिस्टिक जिम्न्याष्टिक च्याम्पियनसिपय् ब्वति कायेत १२ म्ह कासामि सोमवाः बंगलादेशया ढाका वंगु दु । अक्टोबर २६ तारिख निसें ३१ तारिख तक जुइगु जिम्न्याष्टिक च्याम्पियनसिपय् ब्वति कायेत धेंधेंबल्लाःया सिनियरपाखें प्यम्ह मिजं कासामि व प्यम्ह मिसा कासामि ढाका वंगु दु । अथे हे धेंधेंबल्लाया जुनियरपाखें प्यम्ह मिजं कासामि नं वंगु दु । कासामित लिसें मेपिं ११ म्ह सदस्य नं ढाका वंगु दु ।

जिम्न्याष्टिक च्याम्पियनसिपय् मिजं सिनियरपाखे समुन तामाङ, सत्यनारायण मानन्धर, उज्वल तिवारी व श्रीकृष्ण खर्बुजां ब्वति काःगु दु । अथे हे मिसा सिनियरपाखे पिकीं झाङ, रेशिका श्रेष्ठ, युष्का महर्जन व लुमिला महर्जनं ब्वति काःगु दु । मिजं जुनियरय् सुमन नापित, रोहन बुढाथोकी, सुमित तमखु व विपिन दोङं ब्वति काःगु दु ।

कासामितलिसें प्रशिक्षक राजेश्वरमान स्थापित, सजनी मानन्धर व देवकुमार महर्जन कासामितलिसें ढाका वंगु दु । अथे हे व्यवस्थापक पूर्णमान बज्राचार्य, अफिसियलय् सुनिलमान सिंह, परमेश्वर जोशी , कुश्मिला आचार्य, दीपककृष्ण प्रजापति व सुशीला प्रकाश प्रधान नं वंगु दु ।