कोशीइ नं न्हूगु सरकार

येँ (नेपालभाषा टाइम्स) – कोशी प्रदेशय् न्हूगु सरकार नीस्वनेगु निंतिं सत्ता गठबन्धन नेकपा (एमाले) व नेपाली कम्युनिष्ट पार्टी दथुइ औपचारिक सहलह न्ह्याःगु दु । म्हिगः विराटनगरस्थित मुख्यमन्त्री निवासय् निगू दलया शीर्ष नेता दथुइ जूगु सहलहय् मन्त्रालय बाँडफाँड, सरकारया मंकाः न्यूनतम ज्याझ्वः व बजेट पुनरावलोकनया विषययात कयाः प्रारम्भिक सहलह जूगु खँ नेकपाया संसदीय दलया नेता इन्द्रबहादुर आङ्बो कनादीगु दु । वइगु सोमवाः तक प्याकेजय् सरकार नीस्वनेगु खँ क्वःछीगुकथं तयारी जुयाच्वंगु जानकारी नं वय्कलं बियादीगु दु ।