‘राजमति कुमति’ या खस नेपाली भर्सन

येँ (नेपालभाषा टाइम्स)÷अतिकं लोकंह्वाःपिं नेपालभाषाया म्ये ‘राजमति कुमति’ यात आः खस नेपाली भासं नं हालाः पित बीगु जूगु दु । नेपाःया आदिगायक सेतुराम प्रधानयात सम्मान याये कथं राजमतिया खस नेपाली भर्सन नं पित हयेत्यंगु खः । थनिं २५० दँ न्ह्यवंनिसें नेवाः समाजय् प्रचलित राजमति म्येयात न्हापांखुसी भारतया कलकत्ताय् वनाः ग्रामोफोनय् रेकर्ड यायेगु ज्या सेतुराम प्रधानं हे यानादीगु खः । ड्रिम वल्र्ड अफ फिल्म मेकर्सया प्रमुख सबनम मुखियां थुकिया खस नेपाली भर्सन पिकायेगु योजना दयेकादीगु खः ।