काबुलय् आत्मघाटी हमला

येँ (बीबीसी) – अफगानिस्तानया राजधानी काबुलया छगू मतदाता नामावली दर्ता यायेगु केन्द्र आत्मघाटी आक्रमणय् लानाः ३१ म्ह सीगु दु । उगु आत्मघाटी आक्रमण लानाः मतदाता नामावली थःगु नां दर्ता यायेत लाइन च्वनाच्वंपिं न्यय्म्ह स्वयां अप्व घाइते जूु दु ।

उगु आाक्रमणया जिम्मेवारी इस्लामिक स्टेट ग्रुपं थःगु न्यूज एजेन्सी अमाक पाखें थःपिंसं यानागु धकाः स्वीकार याःगु दु । वइगु अक्टोबर महिनाय् जुइत्यंगु विधानसभाया चुनावया निंतिं मतदाता नामावली नां दर्ता यायेगु ज्या न्ह्यानाच्वंगु खः । अमाकया कथं पश्चिम काबुलया दश्तां बार्ची इलाकाय् म्हय बम चिना आत्मघाटी आक्रमण याःगु खः ।

घटनास्थलय् बँय् दस्तावेज, लाकां खाःया तुक्रा खनेदुगु खःसा अन जःखः दिकातःगु गाडीइ नं बमया छर्रा लाःगु खँ धाःगु दु । आक्रमण जूगु इलय् प्रत्यक्षदर्शीया कथं सीपिं आपालं मिसापिं व मस्त जूगु खँ धाःगु दु । वंगु छवाः न्ह्यःनिसें मतदान केन्द्र जःखः थज्याःगु प्यंगू घटना जुइधुंकूगु खँ धाःगु दु । थुुगु हमला म्हीग राजनयिक क्षेत्रय् जूगु घटना स्वयां ग्यानापूगु खँ धाःगु दु ।