जर्जियाय् हाकनं मतगणना जुइगु

एजेन्सी – अमेरिकाया जर्जिया राज्यय् हाकनं मतगणना याइगु जूगु दु। निर्वाचन उम्मेदवार जो बाइडन व डोनाल्ड ट्रम्प दथुइ कडा प्रतिस्पर्धा जुयाच्वंगु थ्व राज्यय् बाइडन १४००० मतं न्ह्यःने दुगु खः । तसकं प्रतिस्पर्धा दुगु कारणं जर्जिया राज्यं वंगु वालय् हाकनं मतगणना यायेगु खँ धायेधुंकूगु खः । जर्जियाय् निम्ह प्रतिस्पर्धी दथुइ ०.५ प्रतिशतया जक मतान्तर दत धाःसा हाकनं मतगणना यायेदइगु कानुन हे दु ।

आः मतगणना ल्हातं हे ल्याः खायेगु कथं जुइधाःगु दु । न्ह्याबलें धयाथें रिपब्लिकन उम्मेदवार त्याइगु जर्जियाय् थ्व पालय् डेमोक्र्याट उम्मेदवार बाइडेनं ट्रम्पयात लिउने लाका बीगु जुइवं ट्रम्पया चुनाव अभियानं न्हापा हे थन कानुनी उपचार मालेगु धायेधुंकूगु खः । आः थन पुन मतगणना याइगु जुइवं ट्रम्पया चुनावी अभियानं थःपिनि कानुन लडाइँलय् चूलाःगु न्हापांगु सफलता धकाः धाःगु दु। ट्रम्प व ट्रम्पया ग्वालिमिपिंसं मतगणनाय् धाँधली जूगु धासें आःतक थःगु हार स्वीकार याःगु मदुनि ।

सम्बन्धित बुखँ

LEAVE YOUR COMMENTS