परराष्ट्रया सहसचिवयात ज्वन

येँ (नेपालभाषा टाइम्स) – नेपाल प्रहरीया केन्द्रीय अनुसन्धान ब्युरो (सीआईबीं) परराष्ट्र मन्त्रालयया सहसचिव पुष्पराज भट्टराईयात ज्वंगु दु । सहसचिव भट्टराईयात ज्वंगु खँ सीआईबीया एसपी अनुपम शमशेर जबरां जानकारी बियादीगु दु । वय्कःया कथं तिब्बती शरणार्थीया नामय् गैरकानुनी रुपय् यात्रा अनुमतिपत्र (ट्राभल डकुमेन्ट) जारी याःगु द्वपनय् भट्टराई विरुद्ध वंगु सोमवाः जिल्ला सरकारी वकिल ज्याकूपाखे येँ जिल्ला अदालतय् राहदानी कसुर सम्बन्धी मुद्दा दायर जूगु खः । मुद्दा दायर जुइधुंकाः नं उपस्थित मजूगुलिं अदालतं पक्राउ पुर्जी याःगु खः ।