नेपाल पक्षया अखिल फोर्स

येँ – एमाले अध्यक्ष केपी शर्मा ओली पक्षया युवा संघं युथ फोर्स गठन यायेवं पार्टीया वरिष्ठ नेता माधव नेपाल पुचलं नं म्हिगः अखिल फोर्स गठन याःगु दु । म्हिगः येँय् छगू ज्याझ्वः यासें नेपाल लिसे सतिगु अनेरास्ववियुं अखिल फोर्स गठन याःगु खः ।

अनेरास्ववियुया सहअध्यक्ष वासिम आलमया कथं म्हिगः तपेन्द्रजंग शाहीया नेतृत्वय् अखिल फोर्स गठन याःगु खः । नेपाल पक्षं अखिल फोर्स युथ फोर्सयात काउन्टर बी कथं दयेकेूगु खँ नेपाल पुचःया अनेरास्ववियुया केन्द्रीय अध्यक्ष सुदेश पराजुलीं कनादीगु दु । वय्कलं धयादिल, ‘ओली पुचःयात काउन्टर बीत अखिल फोर्स गठन यानागु खः, आः जिमिसं देय्न्यंकं संगठन दयेकेगु जुइ ।’ वय्कःया कथं देय्न्यंकंया क्याम्पसय् अखिल फोर्स गठन यायेगु जुइ ।

नेपालभाषा टाइम्स

च्वमिया मेमेगु

• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल
• छायादेवीया जग्गा पुखू प्रमाणित
• पाहाँचःह्रे क्वचाल
• ताेखाय् बिस्काःया निंतिं यःसिं थन