बुंगद्यःया देगः निर्माण सिँ मदयाः अलपत्र

येँ – बुंगद्यःया देगः पुनर्निर्माण ज्या हानं अलपत्रय् लाःगु दु । देगः दनेत माःगु सिँ बजारय् मदयाः ज्या लिबाःगु खः । देगः दनेत थीथी साइजया सिँ आवश्यक जू ।

बुंगद्यःया छतँ दनेधुंकूसा दुसा अंगः दनेगु ज्या नं ७० प्रतिशत क्वचायेधुंकूगु दु । आः च्वय्या तल्लाया ज्या जुयाच्वंगु दु । २०७२ या तःभुखाचं क्षति जूगु बुंगद्यःया देगः श्रीलंका सरकारया ग्वाहालिइ पुनर्निर्माण यायेगु धाःगु खःसां नं गुगुं निकायपाखें ग्वाहालि मवयेवं उपभोक्ता समिति व पुरातत्व विभाग दथुइ सम्झौता जुयाः देगः दयेकेगु ज्या न्ह्याःगु खः ।

बुगंद्यःया देगः २०७८ साल असार मसान्त तक पुनर्निर्माण ज्या क्वचायेकेगु आज्जु तयातःगु दु । वंगु न्यादँ न्ह्यः ‘भूकम्प दिवस’ या लसताय्प्र धानमन्त्री केपी ओलीं पुनर्निर्माण यायेगु कथं थुगु देगःया शिलान्यास याःगु खः । थ्व स्वयां न्ह्यः नं गलत शैलीं दंगु कारणं देगः दनेज्या अलपत्र जूगु खः ।