ने. सं. ११४६ बछलागा चौथी -

नेपाल गुटया नेतायात ओली गुटपाखें हुटिङ

येँ (नेपालभाषा टाइम्स) – सत्तारुढ दल नेकपा दुनेया विवाद आः च्वय्यापिं नेतातय् थासं कुहां वयाः कार्यकर्ता तह तक थ्यंगु दु । थुकिं यानाः पार्टी विभाजन अझ सतिना वःगु विश्लेषण याना हःगु दु । म्हिगः चितवनय् जूगु छगू ज्याझ्वलय् माधव नेपाल गुटयाम्ह नेता धकाः म्हसिउम्ह सुरेन्द्र पाण्डेयात ओली गुटया कार्यकर्तातय्सं हुटिब यानाः न्ववाके तकं मबिल । पाण्डें न्ववानाच्वंबलय् गुटया सभा याये दइ मखु धासें ओली पुचःया १५-२० म्ह कार्यकर्तातय्सं हाःहू यानाः सभा स्यंका बिउगु खः । सुरेन्द्र पाण्डेयात याःगु थ्व दुर्व्यवहारयात भत्र्सना यासें पार्टीया वरिष्ठ नेता माधव नेपालं हाःहू याःपिंत कारवाही यायेमाः धकाः माग यानादीगु दु ।