पद्मरत्न तुलाधर प्रतिष्ठान घोषणा
येँ – वरिष्ठ मानव अधिकारवादी नेता लिसें नेवाः न्ह्यलुवा पद्मरत्न तुलाधरया लुमंतिइ गठन याःगु ‘पद्मरत्न तुलाधर स्मृति राष्ट्रिय प्रतिष्ठान’ मंगलवाः घोषणा जुल । थनया शंखधर पार्कय् च्वंगु भाजु तुलाधरया झ्वाताय् स्वां देछासें उगु प्रतिष्ठान घोषणा याःगु खः । प्रतिष्ठानया नायः लिसें पुलांम्ह सभामुख दमननाथ ढुंगानाया सभापतित्वय् जूगु उगु ज्याझ्वलय् प्रतिष्ठानया संरक्षक जनकवि दुर्गालाल श्रेष्ठ, संघीय मामिला मन्त्री राजेन्द्र श्रेष्ठ, नेवाः न्ह्यलुवा मल्ल के. सुन्दर, डा. ओम गुरुङ, मदुम्ह तुलाधरया म्ह्याय् मय्जु सुम्निमा तुलाधरपिंसं नुगःखँ तयादीगु खः ।
प्रतिष्ठानया उपाध्यक्ष डा. चुन्दा वज्राचार्य, महासचिव डा. ओम गुरुङ, सचिव पासाङ शेर्पा, कोषाध्यक्ष सुम्निमा तुलाधर लिसें मेपिं प्यम्ह दुजःत दु ।
म्हिगः हे न्हूदँ समारोह समितिपाखें नं भाजु तुलाधरया झ्वाताय् स्वां देछासें लुमंकेगु ज्या जूगु खः । ज्याझ्वलय् न्हूदँ समितिया नायः निरञ्जनरत्न शाक्यपिंसं स्वां देछानादीगु खः ।
LEAVE YOUR COMMENTS