डा. ठाकुरबारे गलत समाचार

येँ (नेपालभाषा टाइम्स)- भाषा आयोगया अध्यक्ष डा. गोपाल ठाकुरं न्ववाःगु धकाः गलत रुपं पिहां वःगु छगू समाचार व उगु हे समाचारयात आधार दयेकाः छुं मनूतय्सं डा. ठाकुरया आलोचना याना हःगु खँयात नेवाः देय् दबूया न्वकु उमेश स्थापितं खण्डन यानादीगु दु । नवलपरासीया बर्दघाट प्रज्ञा प्रतिष्ठानया ग्वसालय् जूगु छगू ज्याझ्वलय् डा. ठाकुरं न्ववानादीगु खँयात गलत रुपं थुइकुसें येँया छुं भाषा अभियन्तातय्सं आलोचना यानाहःगु खः ।

उगु ज्याझ्वलय् दीम्ह न्वकु स्थापितं कनादीकथं ज्याझ्वलय् डा. ठाकुरं ‘थ्व देशय् दकलय् तःधंगु संकट छिकपिं नेपाली भाषायात वयाच्वंगु दु । नेपाली भाषायात बचे यायेगु खःसा थ्व देशया मेगु मांभाय्तय्त बचे यानादिसँ । थ्व देशया मांभाय्तय्त स्यानाः नेपाली भाषा बचे जुइगुवाला मदु’ धयादीगु खः । तर येँनं पिहां वइगु छगू पत्रिकाय् ‘नेपाली भाषा बचे जूसा जक मेमेगु भाषा बचे जुइ’ धाल धकाः समाचार पिहां वःगु व उकिया हे आधारय् छुं नेवाः व तामाङ अभियन्तातय्सं वय्कःया कुंखिना हःगु खः ।

सम्बन्धित बुखँ

LEAVE YOUR COMMENTS